6-1-2009(農曆十二月十一)東北風生流
幾日冇釣魚，手痕痕，拑電腦去天文台睇睇水流，知到五點幾六點轉落流，就拿拿霖立齊架生揸車落北角，到咗釣點，已見有四五人在釣緊，我用最快速度開好三枝竿，兩枝沉底，一枝半水釣鱸，一路都冇乜聲氣，到六點半左右，有枝竿好似比蟹拉咗一拉，我就想起細鱗係咁食法，跟住小心提起枝笩仔，慢慢拉拉有勿反應，果然一拉之下，條友仔就發惡大咬，我當然唔會比佢嚇親，左手一提，右手快攪，先將條友仔抽離底石，跟住攪幾手，條友仔特然向右邊樁飛去，好彩我眼明手快，三兩下就將佢抽出升水，眼前銀光一閃，牛屎立是也，跟住將佢成條抽上水，將魚落好生扣，繼續專心去釣，可惜一路都冇魚訊，睇睇個錶都成九點幾，歡樂時光過得特別快，係時候講拜拜，執齊野就揸車番屋企開餐啦喂！
用黑牛開齋
你睇牛牛幾靚仔
斤幾黑立準備用黎清蒸
