7-5-2016 (第五日）回港
今日番香港，乘港龍12:30班机，為免担誤到机場嘅時間，所以冇行程安排。
都係07:30起床，梳洗好執埋行理就落二樓餐廳食早餐。
食咗早餐，上房攞埋行理，09:00上車出發，離開住咗三晚嘅酒店往机場。
係酒店附近嘅大型商場，有超市，喺度住咗三日，都行咗幾次。
冇塞車，準時到達檳城國際机場。
辦理好登机手續，過埋安檢入到候機室，大人同佢Ｄ老友梗係唔放過喺免税店嘅最後沖刺喇！
喺試食其間，老友黃太唔少心打爛咗個載試食嘅玻璃瓶，後尾自動賠番10蚊馬幣比店員，真係笑鬼屎。
大人滿載而歸。
夠鐘就埋登机閘口。
順利登机。
我地坐到最尾棑。
航班準時起飛。
机上睇咗一套戲，食咗一個餐，經三個多小時，航机就安全降落香港國際机場喇。
下午五點半攞埋行理出到机場，啱啱趕到班机場巴士，番到屋企都未夠七點。
呢Ｄ係大人嘅戰利品，我就剩係買咗兩包薯片比三公主。
今次旅程須然冇去浮羅交怡玩水上活動，不過都玩得舒適、開心，導遊、領隊都唔錯，住嘅酒店就最正，食用幾好，我同大人都好滿意，呢次鬆手Ｄ比美麗華90分喇！
6-5-2016 (第四日）
今日夲來行程諗住自費去埋浮羅交怡玩水上活動嘅，不過所有團友都唔參加，得我一個舉手，咁當然取消喇，所以當日行程有所更改，導遊改為帶我地行檳城三個景點，包晚餐，費用係130馬幣，冇所謂喇，都係跟大隊玩吓啫。
朝早瞓到自然醒，梳洗好就落二樓餐廳食早餐。
淥咗碗米粉，自已加Ｄ火腿旦落去，加杯架啡又攪掂。
食咗早餐又上頂樓（24樓）泳池遊陣水。
中午12:00酒店大堂集合，上車出發。
首先到呢個美食廣場食晏晝。
場內美食應有盡有。
大人出去點咗Ｄ食物，比咗錢話低臺號，待應整好就會送黎。
食物陸續送到。
大人話我煎Ｄ蚝餅好食過佢多多聲。
Ｄ粉麵就唔錯。
唔好客氣食先喇！
咁熱氣整番個椰青飲吓。
大人就飲鮮窄果汁。
食飽飽喇。
食飽上車出發。
今日第一個景點係參觀「光祿第」，呢間野係舊時Ｄ有錢華人居住嘅，依家開放出黎比人參觀。
藍色嘅外牆好有氣派。
人力車係當時有錢人嘅私家車黎架。
有資深導賞員為我地講解歷史。
建築裝修中式得黎又有Ｄ西化。
大宅離唔開樓房中間位置嘅採光集水位。
同班老友一齊影張相先。
參觀完上車去參觀另一景點。
黎到目的地，呢度Ｄ展品好特别，係倣製嘅檳城食品。
呢Ｄ唔係就係放喺餐廳厨窗果Ｄ食品模型囉！
唔講咁多，慢慢細心欣賞。
幾可亂真嘅食品模型。
咋帝夾舊食吓先。
咁多款食物，唔通係九大簋！
大人話呢Ｄ好似真喎，有香味嘅！
又黎集體攪攪震影張大合照先。
豈有此理，反枱～
呢圍唔通係馬漢全席！
拉杯茶飲吓至得。
唔小心倒瀉鑊炒麵添。
Ｄ野發哂霉嘅。
雞肉串燒。
食西餐。
煎蚝旦。
埋黎睇埋黎簡喇喂～
巨大模型。
西式宴會。
A-A-A-睇住呀！
餐桌上嘅夢羅麗莎的微笑。
睇你仲有冇胃口食魚翅。
咁大隻嘅，唔通係鴕鳥蛋？
呢Ｄ就係娘惹菜喇。
導遊話呢味叫做「辣死你呀媽」喎！
睇完咁特別嘅野就上番車，去參觀兩間打對台嘅佛教寺。
黎到見有兩間寺廟，一左一右打對台，一間係泰國佛寺，另一間係緬甸佛寺；
而呢間係緬甸佛寺。
呢間就係泰國佛寺。
泰國佛寺裏面最有特色嘅就係有兩條泰國龍同兩條中國龍。
呢兩條係中國龍。
呢兩條係泰國龍。
喺泰國寺嘅對面就係緬甸寺喇。
海底椰樹。
莊嚴嘅緬甸佛像。
呢個又唔知咩意思呢！
參觀完佛寺就上車去食晚飯喇，到咗餐廳，見旁邊有間架啡店，唔理三七廿一，齊齊入去睇有冇野買先。
喺架啡店買完野先至行番過餐廳食晚飯。
今餐話係海鮮餐喎！
老友張生牛一，旅行社送蛋糕為佢慶祝，齊齊大唱生日歌，祝佢生日快樂，身體健康！
食飽飯就番酒店喇。
見時間仲係好早，又同Ｄ老友去泳池游陣水。
游完水，沖埋凉，例牌煲杯靚奶茶嘆吓先瞓。
聽日番香港喇。
