馬來西亞檳城、怡保五天遊 (第三日)

5-5-2016  (第三日)
今日行程會去榴槤之鄉「浮羅背山之果園」任食貓山王榴槤同時令水果，2015年新開嘅「顛倒博物館」，錫器工房，復古三輪車遊歷史古城「喬治城」，「關仔閣」品嘗當地檳城美食文化。

早上07:30起床梳洗好就落餐廳食早餐。

自選粥料。

喇沙貴刁。

大人就食番Ｄ傳統野。

食飽飽就喺酒店大堂等上旅遊巴。

上咗車就出發往今日第一景點榴槤之鄉「浮羅背山之果園」，任食貓山王榴槤同時令水果。

 點解檳城Ｄ海灘冇人游水嘅？

 由海灘上到山上水塘。

 到咗榴槤之鄉「浮羅背山之果園」，導遊首先介紹馬來國寶「樹膠」。

 山竹果嘅花。

蕃鬼蒲桃。

 呢Ｄ就係含苞待放嘅榴槤花。

 行入榴槤種值區，週圍都係榴槤樹，一個個肥美嘅榴槤吊滿樹上。

 大人最鐘意睇果實架喇。

 馬來榴槤冇泰國果Ｄ咁大隻。

 原來榴槤嘅品種都有好多喎！

 我地都唔食榴槤嘅，所以到依家先知榴槤係分好多種。

 首先園主攞Ｄ普通生果比我地食。

 跟住園主就開佢地鎮園之寶「貓山王」。

  




















再黎「青豆」。

  

  「小紅」。

  「604」

 人人都食得好開心，而我就只係喺度影相。

英姐話要手口并用。

 咁多種食邊隻好呢！

狂嚓咗一輪總算歸於平靜。

 大人見人人都食得咁過引，佢話都想試吓喎～

 大人話唔難食吖，仲幾好味添。

 真係咁正！等我都試吓至得；唔....貓山王好食，一連食咗四五舊，又唔錯喎，尤其是隻「小紅」，又香又甜，「604」就有小小苦甘味。

 食完榴槤就上番車去參觀「錫器工房」。

 到咗「錫器工房」就落車行入去。

 我就先去洗手間，發現大厦外原來有個咁靚嘅碼頭。

 影咗幾幅相就入番「錫器工房」參觀。

 手工都唔錯。

 鍚器師傅示範製作過程。

 Ｄ錫器咁精緻，要慢慢細心欣賞。

 

 睇完咁靚嘅錫器，又到食午飯嘅時間，間餐廳就喺碼頭出面轉角處。

 烈日當空都要影張相。

 我地梗係唔會喺室外食喇，入室內有冷氣吖嘛！

今餐係「檳城娘惹餐」。

 食飽飽就出去上車往2015年新開嘅「顛倒博物館」玩吓。

呢度仲保留咗個英式郵筒喺度。

 好快就黎到「顛倒博物館」。

 要分流排隊入場。

 入面Ｄ傢俬擺切全部倒轉，我地有服務員教點樣擺姿勢影相，出黎嘅效果就好似Ｄ人喺空間倒轉哂咁。

玩完「顛倒博物館」就去坐復古三輪車遊歷史古城「喬治城」。

 呢Ｄ就係我地坐嘅復古三輪車。

 兩個人坐一架，座位好窄，肥Ｄ都唔夠坐。

 坐住復古三輪車，遊覧歷史古城「喬治城」。

 坐完復古三輪車，就黎呢度參觀「水果朱古力工坊」。

 可可豆。

 一部份朱古力製作過程。

 最後梗係推銷產品比我地選購喇。

 「水果朱古力工坊」仲招呼我地食榴槤雪糕同榴槤蛋糕添。

玩哂今日嘅節目就先番酒店，休息一陣，到泳池游水，夠鐘就落大堂集合，到酒店附近嘅夜市「關仔閣」品嘗當地檳城美食文化。

 正在選擇食乜野好時，特然天空行雷閃電，大雨即將來臨。

 各人嗱嗱聲外買咗Ｄ食物，就雞咁腳番酒店。

 番到酒店Ｄ雨啱啱就殺到，走遲半步就實變落湯雞，番房煲杯靚奶茶，慢慢嘆剛才買嘅野食，有冷氣，我覺得仲好過喺夜市果度食；今日都幾攰吓，睇陣電視，上完網就瞓喇。

聽日第四日係全日自費行程，敬請留意。