馬來西亞檳城、怡保五天遊 (第二日)

4-5-2016  (第二日)

噚晚早瞓差足電，今朝零舍精神；七點起身，梳洗好就落餐廳食早餐。

 食咗早餐就上車出發，今日第一個景點係「沉香園」。

 旅遊巴到咗目的地，轉坐「沉香園」嘅環保車入園區。

 園內種有無數嘅（沉香樹），即係先前果輪，我國Ｄ內地人落香港大量偷斬果Ｄ沉香樹。

 呢棵沉香樹比隔離棵榕樹包實，叫做連履樹。

十二生肖嘅石雕像。

番入室內有冷氣嘅地方，梗係賣沉香土產喇，Ｄ野貴到飛起，又唔等駛，睇完就鬆人。

行番出商店外，見到好似會場咁樣嘅地方，屋頂用好多彩色嘅雨傘黎隔熱，又靚又實用。

 離開「沉香園」就往檳城進發。

 中途停服務區。

 老友又買野食，買咗Ｄ冰杧果。

 大人問我食唔食，米攪我，至怕食酸野。

 馬來國回教少女嘅裝扮。

 休息完上番車，繼續往檳城。

上大橋喇，呢條大橋係我國同馬來西亞起嘅，足足有廿幾公里咁長。

 足足行咗廿五分鐘先至行哂成條橋，過咗橋就正適到達檳城。

 到咗檳城又係食午飯嘅時間。

 喺呢間餐廳食午飯。

 今餐係大馬海鮮風味餐，普通料，嘛嘛地嘖，連相都費事影。

 食咗午飯上車繼續旅程。

 黎到檳城嘅市政廳（外觀）。

外面海景都唔錯。

 呢個紀念碑圍咗嘅，梗係好野，影咗先。

 一場黎到，見野就影。

睇完市政廳，就去參觀「檳城娘惹博物館」，即係舊時有錢人家，男性出外揾食，間屋就比女性住嘅地方。

 新人都喺度取景拍焝照。

 上樓上參觀吓先。

呢位梗係女主人喇。

有錢人家嘅擺切都有番咁上吓嘅。

 週圍參觀吓先。

 琉璃擺切都係來佬貨。

 到此一遊。

參觀完娘惹博物館，上車載我地去「魔鏡壁畫彩繪街」逛一逛。

 到咗「魔鏡壁畫彩繪街」，落車開始行街街喇，沿途有警察巡邏，咁就放心好多。

呢幾幅壁畫記唔記得喺邊度見過呀，就係無記果套劇集（單戀雙城）囉！

無記果套劇集（單戀雙城）嘅拍攝場景。

「 唔駛問」呢條梗係「阿貴」街囉！

 「甲必丹靈清真寺」係檳城最最大嘅回教寺。

 七十幾年嘅古老民宅，依家都仲有人住緊。

 當地熟食小販。

 擺花街。

 行到入去一間土產店，睇有Ｄ咩合心水嘅野買先。

 肉骨茶就係首選喇。

 行完街又到食晚飯嘅時間，今餐嘅重點菜係當地嘅特色美食「咖哩魚頭」。

咕嚕鮮尤。

 燒雞肉串。

 菜湯。

 呢味就係早於英國統治馬來半島時期，巳經成為當地嘅特色美食「咖哩魚頭」。

 紅燒豆付。

 古法河虾。

 滑潺潺嘅豆，冇食到就唔記得咗咩名。

 呢餐唔錯，慢慢嘆。

 食飽飽就番酒店。

 今晚入住嘅都係五星級酒店，跟住落黎三晚都係住呢間酒店，唔駛搬黎搬去。

 等攞房期間，酒店侍應遞上冰凍毛巾。

 房間又大又整潔，今晚肯定瞓得好舒服；酒店泳池收十點，時間尚早，我同大人換過泳衣去游一陣水，跟住番房沖涼，我就嘆埋杯靚奶茶，上陣網就瞓喇。

第三日嘅行程係去果園任食榴槤，敬請萬勿錯過！