2009年3月22日 星期日

第一次揾條大鱸冇出現,比偉哥捉條領仔。

22-3-2009(農曆二月廿六日)
星期日係屋企冇街去,知道師傅偉係主場玩緊,我就執架生落去一於捉大鱸,報我炸竿之仇。
落到去都六點,偉哥先前已中一條三斤花鱸,我就立即開竿,重火力集中捉大鱸,到七點半都冇料到,偉哥再中一條兩斤小花鱸,而我等到十點都未見鱸蹤,可能條大鱸炸咗我竿之後知史啦,唔敢浦頭。
好!等我保留實力,第日再戰大鱸!執野走人。
呢條領仔鱸係師傅偉中嘅第二條



2009年3月20日 星期五

炸竿走魚激史禾,以後唔貪靚~~#

20-3-2009(農曆二月廿四日)
今日早餐係餐旦冶煎底同埋奶茶,食飽就同D魚呀龜呀換水,再餵埋糧,因為約師傅偉釣魚,就攞起架生,落街市買虾,然後向北角進發,到咗主場佢又剛到,King咗幾句就開竿,佢落橋底,我就係梯口位。
釣左大約兩粒鐘,完全冇動靜,八點偉哥有事走先,我就換過隻生猛D嘅虾落去,唔夠一分鐘隻虾狂跳,有料到,左手提起枝可能中第四條鱸嘅路亞王子,右手準備收繩,一抽,中呀,頂吓收吓,已見魚影,條友仔睇落都有五六野,我左手實個鉸,右手準備攞撈箕點知條鱸魚好似睇到咁,特然開尾向樁內衝去,我就拿拿聲放低枝撈箕同佢C過,可能對枝竿太有信心,所以一D都冇放繩,係咁頂係咁頂,特然聽到棘耳嘅〝啪〞一聲!噢!!炸竿!跟住條繩都輕哂,連魚都埋,即刻O野走人,番屋企吔飯好過。
早餐係餐肉旦三文冶煎底


一份美味嘅早餐

就係咁樣炸法

欲哭無淚

枝竿外表靚唔代表佢係實用(以後都記住)


2009年3月18日 星期三

D鱸又變番細啦!

18-3-2009(農曆二月廿二)
冇野講,釣左成晚,師傅偉中條斤頭花鱸,我中果條仲細,得磅頭。開頭天氣好好,後尾開始起霧,成個海靜哂,粒聲都冇,沉底果兩枝竿比蟹化餌,一咀都未咬過,八點師傅偉中第一條,以為殺埋黎喇,點知要等到九點幾我先至中,仲要係一條BB鱸,撈箕都費事落,成條飛佢上黎,跟住執野走頭,番到屋企,大人買左豬扒飯比我食,飽飽後洗番剩D架生,每次釣完魚我都會清潔用過嘅架生,跟住冲凉,然後開BLOG。


2009年3月16日 星期一

花鱸魚橫行北角,白果魚神有着落

16-3-2009(農曆二月二十)生流
今日起身食咗個雞尾包,飲杯大奶茶,睇有乜野做,都係做釣魚啦!落到北角都三點幾,開好竿又係等,但係呢次等咗五分鐘就有魚咬,好快上水,兩斤花鱸,再落再等,其間師傅偉又黎到,一落就中魚成三斤幾,真好嘢,呢次我再等咗五個鐘,路亞王子枝竿頭特然一野就,毫無先紹,我抽起枝竿,拑鉸拑到出煙,知道係大野,就唔敢放鬆,經幾個回合,大鱸乖乖入撈箕上水,詁計條鱸超過五斤,生扣都費事落,執野走人,去潤記整番碗豬膶粥,一碟菜遠牛河,食飽飽,跟住番屋企啦喂。
今年第一次中大花鱸六斤半

雙喜臨門


2009年3月14日 星期六

磨爛蓆先至中條衰鱸

14-3-2009(農曆二月十八)

今日成點幾先起身,食咗早餐又唔知有乜野做,都係落主場坐吓。是日五點轉流,所以落到去係四點半,黑仔章己經喺度釣緊,放好架生準備開竿,黑仔大叫撈箕,原來佢中左條大鱸,我就順手同佢撈埋上黎,睇落都有四五斤,之前佢已經中左條三四斤嘅鱸,合共兩條。我見咁好魚,就即刻開竿,驚死執輸,點知由樁底釣到橋面,成幾粒鐘只係斷過一口沉底,。此時黑仔走咗,得番我一個係度磨爛,磨到十一點幾已經冇哂餌,得番釣緊果兩枝竿有餌,心諗釣埋就走,點知努力係有回報嘅!新果枝路亞竿有野咬,經一兩個回合就將條花鱸撈箕上水,前後唔使四十秒,好過冇,比我磨番條鱸,跟住收野走人,相都冇心情影,番到屋企至同佢影張昇盤大頭相就算數。

2009年3月12日 星期四

起番條兩斤半青班比大人食吓先!

12-3-2009(農曆二月十六)生流
今日十二點幾起床,整杯奶茶,食兩件澳門鉅記杏仁餅就當早餐,上網睇下流水表,四點轉流,好,執野落去釣陣魚先。
落到北角都三點幾,得我一個人,見咁早,仲落緊流,就捐入橋底睇有冇景先。
開好前日新買果枝筏仔打沉底,再開多枝釣鱸時間又過咗個幾鐘,又開始起流,換隻蝦落去睇吓點,釣鱸隻虾依然咁生猛,特然沉底果枝新竿竿頭有輕微魚訊,我都係黑立攪攪震,執起枝竿準備,說時遲那時快,個鉸以經出緊繩,即刻住個鉸,唔比佢繼續出繩,再向上一抽,中呀!好強嘅拉力,佢已經飛埋樁,五號主碳線都烈烈聲,我唔敢同佢,比多幾呎佢走吓,等佢已為走甩咗慢落黎,我就立即收繩,但都感覺Hi住條樁,小心翼翼一收一放,足足兩三次,條魚卒之游番出黎喇,我隻手都頂到冇力,就用肚將竿尾頂住黎收,頂呀,收呀,就上到水面,見係黃色班點嘅物体,嘩!大青班呀,立即小心攞撈箕將條青班上水,嘩!好險,個鈎只係鈎住咀唇邊,正話如果大力D拉都會爆咀,真係好彩,有食神。
索哂氣,休息咗一陣就同佢影相,跟住落生扣,再落餌等運到。又過咗一粒鐘,天色以暗,收拾好釣具及清理好現場,懷住輕鬆愉快嘅心情,揸車番屋企開餐啦喂。
(後記)即刻叫埋三位公主番黎開青班宴。
成年幾未中過嘅班班。



開心到震!

睇吓,好險,鈎住唇邊咋。






















落咗生扣,等佢游吓水先。

番到屋企叫大人同我地影相。

昇盤比例照當然唔小得

後得卜友釣魚男老弟証實,呢條係叫【花鬼班】,比青班名貴同好食咁話!

2009年3月11日 星期三

新買嘅路亞竿同埋筏仔

11-3-2009 陰天
今日十一點半起床,食咗大人預備比我嘅波蘿油做早餐,就遊吓BLOG河,醒起尋日新買果兩枝竿,就攞出黎睇吓,順便同佢地影番張相,果枝路亞王子橙紅色,好搶眼。枝筏仔本來唔係買呢枝,我想買紅色速攻150 ST,點之將頭蕊拉出來,見到D佳唔正,佢店內又冇新貨,只好買枝綠色速攻 135 ST 。
影全相



如果枝筏仔係紅色果枝就正

睇佢地幾時開齋


2009年3月9日 星期一

點解D牛牛禁快大既?

9-3-2009  (農曆二月十三)
今日瞓醒,大人買咗車仔麵比我做早餐,食完野,睇陣電視,釣魚蟲又咬身,即刻起程往主場,四點半到咗釣場,見Uncle(釣友)喺我前日中魚個位釣緊,我就去另一個位落竿,一路都冇魚訊。六點半師傅偉知風聲又黎到釣鱸。
到接近七點,我同呀海吹緊水,眼尾睇到枝竿頭郁郁下,立即攞起之竿,擺起個作戰狀態,話口未完,(),呀海狂呼中魚,此時我已將筏仔一,開頭狂收幾野,死喇點解唔郁既?唔通鈎石!停頓左一秒,條友仔特然發難想過樁,我用最快嘅速度攪左六七下,但條魚冇軟到,繼續發力向下標,唔~大野,我更加小心,將住橫鉸隻手指鬆一鬆,比佢行幾尺,條友仔以為贏左,放慢泳速,我心諗,你重唔死,我特然往上一抽,將魚頭帶向上,攪幾野,再向左收右頂,咁樣條魚冇哂方向感,即刻冇力軟哂,水面銀光一閃,就見一條超過三斤嘅黑,乖乖的反肚,跟住呀海幫我落撈箕,將條魚上水,梗係要影相喇。落好生扣比佢暢泳一會。
再磨多粒幾鐘,我同其他人都冇乜料到,都係時候清理好現場,執埋架生走人,番屋企吔飯。
即刻影張形仔相先


落埋生扣比佢游下水

剛剛有架大郵輪經過,唔知叫咩號?


直得一幅勝利手勢嘅相

再黎一幅沙龍

昇盤相一定唔少得


2009年3月6日 星期五

次次中黑牛,金融海潚都唔使愁

6-3-2009  (農曆二月初十)
今日個天時陰時落微雨,本來冇打算去釣魚,係度睇睇吓呀Ben哥D外國釣大班,咁就心癢癢拿起架生出發,買好餌落到主場都係四點幾,見開始轉流就拿拿林開竿,兩枝沉底一枝釣鱸。
過左成兩個鐘都冇料到,我就轉下釣位,放咗落去大約十分鐘度,我喺度同人吹緊水,見竿頭慢慢拉下,好似蟹拖緊餌咁樣,我冇理佢,特然響鉸飛快出絲,一手提起枝筏仔,一手收繩,點知條友仔都好精飛快過樁,我心寒一寒即刻放幾手繩比佢,果然中計,順手帶番佢出黎,跟住使出天外飛仙劍法,一抽一收好容易將條友仔帶上水面,再等佢飲多兩啖水先,哈哈!反肚,見有D斤両就落撈箕上水,跟住影相、落生扣,再落餌。
再釣多個幾鍾都係冇乜動靜,釣鱸果隻虾仲生猛過我,個天又開始落雨,歡樂時光過得特別快,又時候講拜拜啦!清理好釣場就攞埋戰利品回家食飯。
形仔唔形仔呀

次次釣到大黑牛,金融海潚都唔使愁!


釣場一景

番到屋企梗係要叫大人同我影張沙龍先

過左磅係兩斤五,都唔錯。