今日番香港喇，喺黃昏時間上机，所以仲有時間去「心齋橋」血拼，去埋「道頓崛」美食街食午飯都仲得喎！
今日唔駛趕時間，瞓到八點先起身食早餐。
食咗早餐仲有時間週圍逛吓。
等上車。
上齊行理就出發去「心齋橋」血拼喇。
呢條市區中嘅河道，聪聽導遊講以前呢條大渠臭氣勳天，經市政府多年落力改做，依家變成一條清潔美觀，供市民休憩嘅好去處。
當地電視台訪問我地一位團友。
影低佢先，一陣喺番呢道集合。
道頓崛美食街真係好多食店喎。
一路行去心齋橋。
大人同Ｄ老友逛藥超市梗係唔少得。
黎到日本嘅大丸百貨公司，梗係要入去逛吓喇！
大人有收獲囉喎～
買咗件連帽風褸比乖孫洋洋。
呢個大熒幕影到我地喎！
行到咁上吓就去食午餐，今餐係食和風鉄板燒(任食放題)，我就梗係例牌自費加餸。
牡丹蝦、帶子4,500￥，海膽8,800￥。
呢件松阪牛扒180g，10,800￥正喇掛！
睇落冇喺北海道果次食果件咁正。
呢件松阪牛柳係呀英姐嘅，都係10,800￥。
加上本身都有好多肉食供應，食到捧住個肚出黎。
食飽行出去都見到有稻田喎。
上車出机場喇。
到咗机場，將剛才血拼嘅物件放番入行理喼。
過咗海關，又去行免税店。
試飲試食。
大人又買咗Ｄ手信。
飛机準時起飛，番到香港都未夠九點，出咗机場，坐番机場巴士返西河喇！
今次旅程安排唔錯，冇長車程，食用普通喇，酒店算幾好，值得一讚係今次嘅導遊，係我喺呢十年八年裏面難得一見咁盡責嘅一個，由佢將呢次嘅分數拉高，今次我比八十六分喇！
