2009年7月29日 星期三

夜戰南丫煤橋,龜氣沖天!

29-7-2009  (農曆六月初八)
時間:18:00--24:00
今日約咗高橋雪也去南丫煤橋玩番轉。今次我冇揸車去,而係坐佢架車到鴨脷洲,落船過南丫。今次連埋我共五人,一去到我就緊係上大樁,因為闊落D,高橋上五樁,其餘三人各上一樁。開頭仲係落緊流,D流好靚,我開咗三枝筏仔沉底,一枝半水,一枝磯竿打浮波全游動。過咗冇奈,有枝沉底響鉸,我就快手執起枝筏仔準備,見佢發力拉線,我緊係向上一抽,點知條友仔己經包樁,三號碳主線(擦)一聲 就應聲而斷~~#再挷過鈎,上好餌又落過。 
係咁又過咗幾粒鐘,四五枝竿形然都冇郁過,22:30開始起流,仲係飛机流添,更加冇魚訊,冇辦法喇!又唔走得,為有繼續磨。
卒知磨到23:30D流水先開始慢,但係約左艇家24:00到來接我地,點解今次咁早收檔呢?因為其他人聽日要番工囉,所以唔想走都要執野鬆人,架大頭艇車番鴨脷洲都成點鐘喇,最後知到成班人全部打龜。後來過香港仔宵夜,兩點先至番到屋企。
你睇係米有D龜氣喺度吖~~#

冷冷清清,唔夠做~~*


2009年7月26日 星期日

三更半夜先開口

26-7-2009  (農曆六月初五)

星期日喺屋企食咗晚飯,睇緊電視,師
傅偉來電話主場有烏頭埋,果時都九點
幾,都好喎!即刻立生飛車到主場,
真係有成基魚,不過睇落D烏頭唔大
條,師傅偉已經釣左一條上黎,都係磅
頭,我開好竿,跟手落餌,但係D魚收
哂口,見到魚但釣唔到,真慘!十一
幾師傅偉話走先,我就繼續磨爛,點
知佢一走D衰魚就開口喇,等我連起
條,有兩口爆咀,須然唔大條,都算過
嘩!成點鐘嗱,都係執野走人
,番屋企喇喂。拜拜!

D烏頭條條都係磅頭,唔知點解咁細條。


2009年7月17日 星期五

呢輪都係大老烏

17-7-2009  (農曆閏五月廿五) 一號風球  晚黃
連龜幾次(包括前日南丫通頂),今日唔順氣,一於落主場釣晚黃。
五點幾到街市買咗虾同半磅方包,就直奔主場。到步見有幾個釣友己經釣緊,原來佢地喺度釣泥鯭,唔理佢地咁多,娟入橋底即刻開竿,佈好個陣就坐定定用虾肉釣吓魚仔,點知個海原全冇生物嘅績像,幾枝竿郁都冇郁吓。
又到七點幾八點,一於轉陣上橋面,開多兩枝竿釣老烏,到九點幾,同釣友傾緊計,見枝烏頭竿頭彎左一吓,知有老烏食咗餌,立即收上尼再裝新餌,一放落去就見有兩三條老烏埋黎搶食,竿頭震左幾野,我就輕輕一,咁就中咗,我即刻用力頂竿,因為釣幾呎水,所以一頂條老烏嘅魚頭已經離水,我唔敢放鬆,如果比佢鍾番落去開尾就好難攪,太大碌,又近樁邊,好在老友呀海哥同我落撈箕,一野就上水,拿拿聲解鈎,再落餌,點知D衰野見老大比人捉咗,成班友仔拿拿霖走。釣多成粒鐘,見攞咗個彩,又冇動靜,算數!都係收竿走人,番屋企吔飯!拜拜!

釣成晚,都係得條大海烏四斤幾。


2009年7月13日 星期一

請問有冇人知呢條係咩魚?

13-7-2009  (農曆閏五月廿一)
上個禮拜,釣友黑仔喺主場釣到條斤頭嘅魚,其間問我係咩魚,我話你玩我呀,一睇就知係斑啦!跟住佢話唔係玩你,條斑冇牙即係唔係斑喇。我伸隻手指落佢個口度,感覺條友仔D牙係圓滑嘅,真係抓哂頭,點解斑斑D牙係咁嘅...........
小弟釣梳學淺,所以今日特登攞出黎,比大家研究吓,睇吓各路英雄,可唔可以教我認識條係野魚,謝謝!


2009年7月10日 星期五

今年中第一條石蚌

10-7-2009  (農曆閏五月十八) 生流
大熱天時又冇特別事做,忍唔住又去釣番陣魚先。
三點落到主場己見「黑仔,流哥」,兩人係度釣緊,睇落佢地重未有收獲,望吓個錶,就快轉流,嗱嗱聲Set好生,坐定定等運到。
四點左右,D流慢咗,沉底枝筏仔有魚訊,我立即攞起枝竿,說時遲那時快,條友仔已經發咁出力往樁位標去,我即刻往上一提,快攪六七野,已經脫離危險地帶,到佢再發力,我知唔係大野,就比幾手佢玩吓囉!跟住到我玩喇!一左一右玩到條友仔謊失失,冇哂方向感,唔使兩個回合,己經上到水面,但見黃金閃閃,石蚌是也,成條飛上水,影相,落生扣。
四點九開始起流,特然另一枝沉底筏仔快速出線,我立即實個鉸,幣喇!比條友仔包咗樁添,即刻唔敢用力收,只有放線,佢又走幾呎喎!諗住放鬆吓佢,等條魚游番出黎,如事者五六次,到最後佢一發力開尾,枝竿輕哂~~斷主線收場~~殘念^^好谷氣底下,執野走人,番屋企吔飯,拜拜!

今年嘅第一條石蚌,番屋企磅過(斤五両)。

今日真係熱,仲要成34度,好彩中到魚又涼番


2009年7月6日 星期一

食過番尋味,險些打龜!

6-7-2009 (農曆閠五月十四)
前日烏頭大豐收,今日又約師傅偉復桌。
晚上八點,$3.5買咗半磅方包。落到主場,偉哥又剛到,一齊開好竿,近釣遠投都出齊,左釣釣,右釣釣都係冇魚咬,時間過得好快,又十點幾,師傅偉聽日要做,所以走先,我繼續磨爛,佢啱啱走,我枝竿頭就有魚訊,拉咗幾吓我就往上一提,就中咗,收幾野知唔係大,斤幾魚,費事洗撈箕,成條飛佢上黎。拿拿聲裝好餌再落過,又黎食喎,但好精口,比前次食得更輕,震震吓,我等佢食咗成半分鐘,忍唔住往上輕輕一,又中,但好快條絲就輕曬,爆咀囉!上黎睇吓,得塊口唇皮,算把喇師兄,都係執野走人好過,留力日後再戰!拜拜!

釣咗成晚,剩係得烏先生斤半一大條


2009年7月4日 星期六

烏先生重臨維港

4-7-2009  (農曆閏五月十二)    晚水  
今日下午約咗師傅偉去釣晚水,七點左右到主場,己經見佢喺度釣緊,我就照例兩沉一半水,釣咗一陣,偉哥轉釣組釣烏頭,我就不以為意,繼續我嘅沉底捉怪獸夢。點知特然間聽到拍拍聲,原來偉哥以經中咗烏頭,此時我都唔執輸喇,收起幾枝竿,拿拿聲轉烏頭釣組,師傅偉已經連起四條囉!到我一掟落去已有魚搶食,竿頭微微震咗幾野,我就往上一帶,咁就中我今季第一條老烏喇,睇落都幾粗大,要用撈箕上水,嘩!成三斤喎!此時師傅偉又中,佢條重攞命,足有四斤,又梗係撈箕上水喇!跟住就你一條我一條,真係過足手
定咗流,個海又歸於平靜,天色又好似想落大雨咁喎,都係執魚走人為妙,我諗住攞三四條走,點不知偉哥叫我攞走哂佢,為有出九牛二虎之力,將八九條大烏頭抬哂番屋企囉。
左手果條四斤五,右手果條三斤十二

季初海烏條條都咁好力,咁肥美


2009年7月2日 星期四

蹬仔都未坐熱就去釣魚

2-7-2009 (農曆閠五月初十) 西南風  屎流水
番左黎兩三日,抖順條氣,拿起架生,又落主場過吓先。
一見番個海,個人即刻生猛,成個月冇釣過魚,所以特別開心。同朋友傾咗一陣就開竿,照列兩枝沉底,一枝生虾半水。等咗一陣,見冇動靜,就順手拉三五呎比半水枝筏仔,點知一郁條友仔就標埋黎搶餌,個橫鉸仔登時發出狂喜嘅吱吱聲,我立即提起枝筏仔,感到條己比條友仔拖過樁,唔敢同佢斗力,就放佢幾手,一見佢放鬆咗,我就睇準机會,帶番佢出黎,再使出無敵車輪手,於廿多呎上到見魚,嘩!條花鱸起碼過五斤(番屋企過磅,有六斤五),佢望望我又開尾衝番落去,我只好就就佢囉,如事者兩三個回合,佢就冇氣反肚,我就用撈箕將佢上水,影好相(自拍),落埋生扣,又回復平靜。釣到六七點,天又開始黑,收拾好架生,番屋企,整條魚尾清蒸都好喎!拜拜!
奈冇釣魚,中魚特別開心嘅

肥美百花鱸,六斤五

大人話條魚尾用黎清蒸喎