呢輪都係大老烏

17-7-2009  (農曆閏五月廿五) 一號風球  晚黃

連龜幾次(包括前日南丫通頂)，今日唔順氣，一於落主場釣晚黃。

五點幾到街市買咗虾同半磅方包，就直奔主場。到步見有幾個釣友己經釣緊，原來佢地喺度釣泥鯭，唔理佢地咁多，娟入橋底即刻開竿，佈好個陣就坐定定用虾肉釣吓魚仔，點知個海原全冇生物嘅績像，幾枝竿郁都冇郁吓。

又到七點幾八點，一於轉陣上橋面，開多兩枝竿釣老烏，到九點幾，同釣友傾緊計，見枝烏頭竿頭彎左一吓，知有老烏食咗餌，立即收上尼再裝新餌，一放落去就見有兩三條老烏埋黎搶食，竿頭震左幾野，我就輕輕一抽，咁就中咗，我即刻用力頂竿，因為釣幾呎水，所以一頂條老烏嘅魚頭已經離水，我唔敢放鬆，如果比佢鍾番落去開尾就好難攪，太大碌，又近樁邊，好在老友呀海哥同我落撈箕，一野就上水，拿拿聲解鈎，再落餌，點知Ｄ衰野見老大比人捉咗，成班友仔拿拿霖走哂。釣多成粒鐘，見攞咗個彩，又冇乜動靜，算數！都係收竿走人，番屋企吔飯！拜拜！

釣成晚，都係得條大海烏四斤幾。