2014年5月22日 星期四

重量唔重質。

收拾好旅行嘅心情,重歸釣魚行動,分別釣咗兩晚,都係得D魚仔,好彩都有多幾條釣吓嘖!

22-5-2014(農曆四月廿四)
重量唔重質。
 24-5-2014(農曆四月廿六)
好彩有幾條紅衫仔釣吓。


2014年5月8日 星期四

一次出幾日

8-5-2014(農曆四月初十)
出發去釣魚果時以經落緊毛毛雨,不過主塲有瓦遮頭,唔怕落雨嘅!
18:15落到去,仲係行緊落流,開好竿落餌喂泥鯭;喂咗四五口餌就有金古魚訊,食得非常精口,食咗分幾鐘先至扯竿,一抽即中,上黎係條五六両嘅金古,即落餌繼續都有魚訊,呢個時候特然風雷雨電一齊黎,成個海反哂,即刻乜野訊都冇哂,想走又唔走得,一出去就實濕身,卒之等到十一點幾先至停雨,嗱嗱聲執埋D架生,去買宵夜番屋企食喇!

七點中條魚仔,跟住大雷暴,想走又唔走得,卒之等到十一點幾先停雨。

























6-5-2014  (農曆四月初八)
今次中番條大D喇。
大果條金古都有十両。

























5-5-2014  (農曆四月初七)
釣得兩條。

2014年5月3日 星期六

仲未有大金古埋

3-5-2014  (農曆四月初五)
噚晚釣金古釣得到喉唔到肺,今晚一於執多劑;喺雪柜摷番噚晚釣剩果兩塊面包,18:00落到主場,開好竿坐定定等運到;噚晚一落餌就有魚接,今晚落餌就静英英,再係咁落去真係要享受過程喇!19:00一於轉位~呢個决定果然有效,即刻有番魚訊;一路釣到22:00,有八條釣到,有三條唔夠秤回歸大海,實得五條,過程沉悶,22:30執野走人番屋企。

大人話釣D大條D吖嘛!真係比佢笑屎~
























仲未有大金古埋,釣住先喇!

2014年5月2日 星期五

金古季節現在開始

2-5-2014   (農曆四月初四)
今日吹大東風,D鱸唔方會開口,都係買幾塊面包,落主場睇有冇金古釣好過。
18:30落到去,流水都幾急吓,好快開好竿,一落餌就有魚接,上黎當然係臭肚喇;過咗十幾分鐘,D泥鯭收咗口,輪到D金古魚訊開始出現,食得好精口,竿頭只係好輕微嘅郁動,特然竿頭彈起,我就順勢一抽,中咗!須然條魚急速打轉,不過都收得好輕鬆,因為條金古唔大吖嘛!成條掟佢上黎,解鈎落生籠,換餌繼續。
到咗20:30,其間再中多五條,都唔係大,有三條太細,即捕即界,跟住仲停流停口,再冇魚訊,都係時候執野走人去宵夜喇!

金古季節又開始喇。
三條金古加埋都有斤幾。

2014年5月1日 星期四

水暖花鱸好好力

1-5-2014  (農曆四月初三)
釣咗幾次石狗,今次要玩番鱸喇;落街市執十零隻蝦就直跴主場。
18:10落到去D流以經行到澎澎聲,唔理咁多,照開兩枝竿釣鱸,一枝沉底有乜釣乜;到20:30其中一枝釣鱸竿響鉸啦,一執起枝竿,條鱸以經發力,頂咗兩秒就鬆手比幾呎佢走吓,再頂番起想話收繩,條友仔又發力,冇計喇!唔想炸竿就要再鬆多幾手比佢,當佢一慢落黎,我就把握呢個机會,今次唔頂喇,一拖順就快攪七八吓,呢招果然有效,再拖再攪,詁唔到尾段咁順灘喎,收到上水面,條鱸仲飛出水面想洗鰓,我即刻將條魚線拉行,化解咗佢洗鰓之後,埋到腳邊就抽高個魚頭,等佢飲幾啖水先,即掟個撈箕落去,條鱸乖乖上水,人魚大戰結束,睇落都有四斤,即落生扣,換餌繼續。
22:30幾枝竿再冇魚訊,係時候執野走人去宵夜喇!

釣番鱸魚先至過引。
水暖番四斤花鱸都好好力。
























季尾鱸大條D。