2011年3月26日 星期六

好彩仲有一條半條玩吓

近呢一年,主場釣况越下,魚種越黎越少,
好在仲有一兩條花鱸玩吓,咁先至仲有番D
興趣繼續。
以下係近期釣到嘅粗野,攞番出黎比大家
享吓,千昕唔好見笑呀!
26-3-2011  (農曆二月廿二) 

 條花鱸得三斤零重好過冇!




























27-3-2011  (農曆二月廿三) 


呢條花鱸就大D喇,有五斤幾重。



























5-4-2011  (農曆三月初三) 


係我今年暫時釣嘅鱸魚記錄,

八斤半76cm(三十吋)。
話說果晚「師傅偉」中咗條唔夠一斤嘅花鱸
仔,喺22:15就走人,我條氣唔順,就留低繼
續喺度磨爛,卒之磨到23:00比我中番條
大花鱸,果晚好彩有兩個奉場客喺度,因
同我撈魚時,條魚撞穿咗個撈箕,上到一半
水時再跌番落海,另一個人即刻到我車尾箱,
開埋枝士啤撈箕,合兩個撈箕之力,先至將條
衰鱸收到上橋面。
上咗黎,梗係同我影番幅合照先喇!

























呢條鱸好肥大,到我手都軟埋。


































條魚係主角,影到我黑D都冇所謂。

































番到屋企,嘈醒咗大人,咁就同我整張廚房
相。

























呢條花鱸過磅八斤半,長76cm(30吋) 係我今
年鱸魚嘅暫時記錄!


2011年3月24日 星期四

我嘅主場番黎喇!!

24-3-2011  (農曆二月二十)  和暖
去完新西蘭番黎十幾日,天氣一路都係嘛嘛

地,今日天氣回暖,釣魚蟲又咬喇,執起架

生,落街市買廿蚊蝦,就飛車落主場搏吓。
18:00落到主場,開好竿就閃落橋底,一枝

竿半水釣鱸,一枝打沉底。落餌冇幾奈,沉

底枝竿有魚訊喇,我即刻執起枝竿,收番緊

D繩,條魚食咗幾吓就拉竿喇,好強嘅力,

條魚唔係細,一竿就連攪五六吓,再一

頂又攪咗七八吓,條魚發力想標埋樁,我就

順勢起向反方向帶番佢出黎,吸口氣就將

條魚一路上水,嘩!!大牛屎喎,梗係用撈箕上

水喇,好奈未中過牛屎,梗係影番張相喇!



一路釣到19:15,師傅偉又黎咗,佢就喺橋

面釣鱸,一落餌就中條兩斤花鱸,我就梗係

唔執輸,嗱嗱聲執架生上番橋面釣,當我落

好餌,師傅偉又中多條兩斤幾花鱸,捧場

即刻攞咗兩條魚走,呢個時侯,我枝鱸竿特

然彎哂,我一執起枝竿就發力一,中呀!連


攪幾吓,條鱸想開尾埋樁,我就一就佢再用

番佢出黎,博命收繩,佢又再標,如是


者兩三個回合卒之比我將佢拉 上水面,條鱸

有四斤幾喎!捧場客同我撈魚,我就落餌繼

續。之後師傅偉又中兩斤幾,而我就再起多

條四斤嘅花鱸!望吓個錶,又成十一點喇,

開心時間過得特別快,咁就執埋D架生,打

道回府。
捧場客同我影張魚穫照先。

快D喇,就黎冇力喇!

放低喺地下影好過喇!

冇幾河早番到屋企,大人未瞓,就同我影番

幾幅相。

好奈未兩隻手都有魚揸囉!!

天氣一回暖,就即刻有魚中。


花鱸×2各四斤,牛屎×1兩斤