馬來西亞檳城、怡保五天遊 (第一日)

前言：好奈之前去過馬來西亞嘅吉隆坡，馬六甲同雲頂，所以今次唔會再去，同班老友只係去遊覽檳城同怡保，夲来行程諗住自費去埋浮羅交怡玩水上活動嘅，不過所有團友都唔參加，得我一個舉手，咁當然取消喇，所以當日行程有所更改，冇所謂喇，都係跟大隊玩吓啫。
3-5-2016  (第一日)
因為班机喺早上八點幾起飛往檳城，咁我地就要晨咁早喺05:00叫車載我地入机場。

到咗机場，揾咗個領隊報到，跟住劃机位、寄埋行理就過安檢，入到去先食個早餐。

 夠鐘登机喇。

 港龍即係港龍，航班準時起飛。

 四個鐘嘅航程裏面就睇咗一套戲，食咗一個餐。

 話咁快就到咗檳城机場喇。

 一落机喺檳城机場餐廳食個印度午餐先。

 所謂嘅拉茶嘛嘛地唧，唔夠香濃。

出机場上咗黎接我地架旅遊巴士就出發往怡保。

 過咗收費亭就到怡保喇。

 行咗個幾鐘到服務區就落車小休，順便去埋洗手間。

 休息咗一陣就上車繼續往今日第一個景點「極樂洞」。

 途中嘅美景都要同大家分享吓嘅。

 好快就黎到「極樂洞」喇。

 旁邊種咗好多檳榔樹喎。

 呢Ｄ就係檳榔喇。

 水池邊有羣專搶遊客膠袋嘅馬騮仔，我地都要小心Ｄ。

 有尊觀世音菩薩嘅佛像，梗係要影番張相嘅。

 極樂洞嘅入口。

 有Ｄ似吉隆坡嘅「黑風洞」，不過就乾剩好多，亦都冇異味，起碼冇蝙蝠屎先喇。

 一路行入去有好多尊佛像。

 參觀完極樂洞就上車載我地去西施柚子街，買當地出名既柚子。

 店員熱情好客，大方任由試食。

 Ｄ柚子又大又甜。

 人人都買咗Ｄ番酒店食。

 買咗柚子上番車往怡保嘅大會堂、市政大樓參觀。

 呢度就係怡保「泰姫陵」怡保火車站。

 扯滿馬來西亞國旗嘅地方，梗係市政大樓喇。

 呢個石碑係紀念第二次世界大戰時嘅英勇事績。

我地嘅導遊喺度好努力咁講解歷史。

 同班老友影番張大合照先。

 參觀完畢就上車去餐廳食晚飯。

 好快又到咗餐廳喇。

 成班老友啱啱好一圍。

 今晚食地道怡保名菜（芽菜雞），唔錯。

 呢個蝦湯真係好正。

 冰鎮波羅同西瓜。

 食飽飯就番酒店。

 今次全程都係住五星級酒店。

經過一日嘅舟車勞頓，各人都幾攰吓，冇人落泳池游水，亦都冇人行街，我就例牌嘆杯靚奶茶，睇陣電視就去瞓覺喇。

第二日嘅行程係會由怡保往檳城，大家敬請留意。