番哂本

31-10-2012   (農曆九月十七)
落咗幾日雨冇去呔椅，今日晏晝都未夠五點，就落去街市執三十蚊蝦，落到主場，有理冇理開三枝竿，一枝半水釣鱸，兩枝沉底博符碌！
行緊大流，釣咗兩三個鐘都係中得條泥婆，心裹打定輸數，呢個時候師傅偉剛到，佢就一枝竿齋釣半水；Ｄ流開始慢，我釣鱸枝竿比魚拉咗一吓，即刻拿番起枝竿，條魚以經發力，我順勢一抽，連攪幾野，已感到條魚線Hi住條樁，唔敢同佢梗拼，放番少少比佢，點知咁一放就去咗成七八呎，咁好力嘅!!肯定係大野~經過一放，條魚就游開咗，我就即刻把握呢個机會，往上一頂，駛出絕招...『無敵風火輪』，一路攪到條魚上到水面，嘩!!條鱸起碼七八野，師傅偉幫我撈魚，條魚上咗黎我就抖番順條氣先，跟住就落埋生扣，換過花咗Ｄ魚線，落餌繼續；唔夠兩分鐘，師傅偉起條兩斤度嘅花鱸，跟住又到我中多條斤頭鱸，過咗一陣，我沉底枝竿個鉸響咗一吓，我一手執起枝順勢一帶，條魚以經蹤頭，力度唔大，三兩吓就將條魚收上水，上黎係條磅頭嘅芝蔴仔，之後Ｄ流又開始轉急，我就收起Ｄ竿，同師傅偉轉釣劃仔，釣咗一陣都有幾條，好疏口，望吓個錶，又夠鐘走人，我地執埋Ｄ架生去宵夜喇！

今季第一條鱸就咁大，係好嘅開始。

詁唔到一開季就中大野。

水口都未凍，Ｄ花鱸咁快黎到。

仲要釣埋條芝蔴仔添。

條花鱸過磅係八斤。

全長85Cm。

磅頭芝蔴啱老婆食。

除咗鱸仔，仲有班仔、泥婆仔、劃仔。

今次用新買果把陽江十八子骨刀黎劏魚，真係冇得頂！

有魚釣嘅日子

呢排電腦神咗，攪到Ｄ野堆積如山，等我將呢幾次嘅釣穫，一次過同大家分享，至於過程就唔記得喇！

13-10-2012  (農曆八月廿八) 

中得一條烏頭。

仲有烏頭。 

15-10-2012 (農曆九月初一)

 夠宵夜。

16-10-2012 (農曆九月初二)

 金古又走番轉頭。

條條都係半斤裝。

22-10-2012 (農曆九月初八) 

大嘅捉唔到捉番Ｄ細。

好彩中番條磅頭金古。

樣樣有。

24-10-2012 (農曆九月初十)

半斤十両都有兩條釣吓。

仲係要釣金古。

25-10-2012 (農曆九月十一)

 又比我中番條大金古斤幾。

兩條就夠哂食。

劃仔都黎埋仲有金古添。

開始有鱗

11-10-2012  (農曆八月廿六)
今晚飯都唔食，未夠六點就落到主場；今日水大，癲人台報 2.2米，我捐入橋底Ｄ水都浸到腳底，好彩著定磯靴，不過都係唔掂，冇得坐，就連冰箱都放唔到，若有政府船經過，Ｄ浪肯定到腰...釣咗一陣都覺唔對路，都係上番橋面隱陣Ｄ；本來一心想喺橋底釣烏頭，依家喺橋面就唔知釣乜，好彩見有釣友喺度，問佢攞隻虾仔玩吓；我換過Ｄ釣組，勾隻虾仔落去打沉底，吹吹吓水就見我枝竿比魚拉咗幾吓，我一執起枝竿條魚就發力，順勢一頂，連攪幾吓，冇乜力，收到上水原來係細鱗，呢條鱗都過斤架，點解咁順灘嘅，跟手撈箕上水，再去痴隻虾玩過，呢轉就一路釣到十點都未郁過，都係時候執野走人喇，再去東大街買個盎頭排骨蒸飯，一碟鳳爪，一碟生竹牛肉，番屋企慢慢嘆喇。

釣友同我影嘅，仲即時 e 比我添，多謝你嘅相同虾喎！

番到屋企飯都未食，第一時間自拍咗先。

都唔錯有斤零重。

今季第一條細鱗。

出埋早幾日嘅魚穫比大家分享吖~

17-9-2012(農曆八月初二)

釣得兩條大眼倉。

中番個安慰獎。

5-10-2012(農曆八月二十)
係得呢Ｄ咋。

8-10-2012(農曆八月廿三)
話冇又有。

仲有烏頭喎！