北歐波羅的海七國十天蜜月之旅 (第一、二日)

前言:舊年因為乖孫圓圓出世，咁我同大人每年三月嘅結婚週年記念旅行就取消咗，今年可以再度繼續我地嘅四十二週年嘅蜜月旅行喇，呢次就簡咗北歐波羅的海七國十天之旅；北歐四國，包括丹麥、挪威、瑞典、芬蘭；波羅的海三國就分別有愛沙尼亞、拉脫維亞、立陶宛；今次嘅行程特點係乘豪華郵輪穿梭北歐及波羅的海，遊覽前蘇聯時期位於波羅的海嘅三個國家，品嚐地道三文魚餐、馴鹿餐、瑞典肉丸餐。

28-2-2016 (第一日)
晨咁早就起身，搭頭班机場巴士去机場。

首先乘坐北歐航空往瑞典嘅赫爾辛基，再轉机往丹麥嘅哥本哈根。

上咗机揾好坐位等起飛。

航班準時起飛。

飛行期間食咗兩個飛机餐，睇咗三套戲。

話咁快就到咗瑞典斯德哥爾摩上空。

由飛机望番落去見到好多湖都結哂冰。

着陸喇。

喺斯德哥爾摩机場等轉机往哥本哈根，期間有一兩個鐘比我地喺机場候机室逛吓。

去定登机閘口等上机。

上机喇。

航班準時起飛。

飲杯野，食個包，話咁快就到咗丹麥嘅哥本哈根。

辨手續入琵境。

一出机場就上黎接我地架旅遊巴番酒店。

攞好房間攪好哂Ｄ野，冲好凉，煮個麵，嘆埋杯靚奶茶就覺覺豬喇。

29-2-2016 (第二日)
七點起身梳洗好就落餐廳食個自助早餐。

食飽飽四圍行吓，呼吸Ｄ新鮮空氣。

行咗一陣番房執好行理，因為今晚會乘坐郵輪往挪威嘅奥斯陸。

上車出發，第一站係去參觀位於港口岩石上嘅美人魚銅像。

經大半個鐘車程就黎到位於港口岩石上嘅美人魚銅像喇。

咁遠水路黎到梗係要影多幾幅相喇。

再去附近嘅公園逛吓。

睇完美人魚就上番車往位於安徒生大道嘅邱吉爾紀念公園。

童話大師安徒生嘅銅像。

參觀市政廳大樓。

市內步行街觀光，我同大人上咗去勞力士錶店參觀。

大人話呢隻錶好靚喎，除税折埋都唔駛十萬蚊。

呢隻都唔錯。

喺錶店攪完一輪就上番車住新港，呢度Ｄ景就係「藍罐曲奇」用黎做罐蓋嘅圖景喇。

呢Ｄ屋係米喺曲奇餅罐面見過呢！

睇完咁有丹麥特色嘅風景就上車去食中午飯。

今餐係食唐餐。

食飽飽就往碼頭準備上船。

架郵輪都唔算好大，我地上到去攞咗房間就四週圍逛吓。

坐低休息一陣就入餐廳食自助餐。

個自助餐麻麻麻哋嘖，食飽就算。

食飽飽就喺船上商店逛吓，跟住就番房休息覺覺豬喇！

下面呢兩幅係影人地Ｄ甫士咭架，我邊度有影得咁靚吖！

聽日隻船就會到挪威，敬請留意繼續分享！