天津承德五天之旅 (第一日)

 大人話從來未去過佢嘅故鄉「天津」，想去果度行吓，順便見吓Ｄ親戚，咁我就揾暈晒全港所有嘅旅行社，都係只得新華有呢個「天津」團，仲加埋「承德」添，睇過行程都唔錯，純玩團，零購物，零自費，主要旅遊景點有黃崖關長域、清東陵、承德避暑山庄、小布達拉宮，共玩五天，咁就約埋大姨同幾個老友立即報團出發。

31-8-2016  (第一日)
中午机，冇得頂，瞓醒慢慢先到机場集合。

上咗机等起飛，飛机準時起机，喺香港上嘅餐特別好味。

 經過大約三個鐘就到天津。

 一落机出閘口，大人Ｄ親戚已經喺度迎接，我地好似大人物咁場面好墟冚，我地寒暄咗幾句就約Ｄ親戚今晚到我地下榻嘅酒店見面再詳談，之後就上旅遊巴往景點「意式風情區」逛吓。

 上旅遊巴往景點「意式風情區」逛吓，行車途中。

 個半鐘嘅車程，到咗意式風情區。

 路邊嘅食市，真係有Ｄ意式風味。

 天津有名嘅狗不理包子店都有喺度開切。

 大姨見有天津傳統小食，忍唔住即刻要買番件黎食吓。

 離開「意式風情區」就上車去食晚飯。

 好快就到餐廳喇。

 食物唔錯，不過服務員Ｄ態度就有代改善喇～

 食飽飯就番酒店。

今晚入住嘅係國際頂級五星「香格里拉大酒店」。

 番到酒店，大人Ｄ親戚巳經喺度等我地番黎，最緊張果個係大姨，一見到佢地就雞啄唔斷。

 喺酒店大堂同Ｄ親戚影張大合照，然後請佢地到我地房間坐低慢慢傾。

 Ｄ親戚好客氣，送咗一對當地好流行嘅健康玩意（合桃）比我，又買咗好多生果黎；大西瓜一個，蜜桃、香梨、奇異果等等一大堆，好彩房間夠闊落，十幾人都容立到，傾吓食吓，又約我地下次黎唔好跟團，要到佢地屋企住；唔經唔覺傾到十一點幾先至離開。

今日都唔算好攰， 冲個凉，嘆埋杯奶茶就瞓覺喇。

聽日嘅行程會去遊覧「楊柳青古文化街」、「南市食品街」，往承德。