日本中部、北陸白川鄉五天遊(第五日）回港篇

25-3-2017  (第五日)
今日係回港日，原來「常滑市」呢度係招財貓嘅故鄉，咁上午可以去逛吓，仲可以喺當地嘅AEON MALL百貨商場購物。

07:30起床，梳洗好就落餐廳食早餐。

酒店內都放有出生於常滑市嘅招財貓。

 夠鐘上車去今次旅程最後一站「AEON MALL」血拼。

旅遊巴一到「AEON MALL」，所有團友就一窩蜂咁入去瘋狂掃貨。

 呢隻招財貓舉起右手喎，喺酒店果隻就舉左手，唔知有咩意思呢！

 嘩！套和服售價248000丹，圍到港紙成帮萬幾二萬蚊，犀利！

今個午餐都係食自己，早餐Ｄ野都未消化，所以我地冇喺裏面食野。

 夠鐘上車去機場喇。

 去到机場，各人都將Ｄ戰利品整理一番，放埋入喼寄倉。

 入到候机室等上机。

起飛喇，食個餐，睇齣戲，話咁快就番到香港。

 到行理區攞番自己Ｄ行理。

 搭番机場巴士番屋企。

 後記：今次嘅旅程安排都唔錯，領隊導遊盡責，景點比預其嘅靚，餐飲食物都可以，司机安全有禮，頭兩晚房間就細咗Ｄ，但係都乾剩舒適，第三晚瞓榻榻米，我覺得瞓榻榻米須然可感受到日本風情，不過對Ｄ老人家就唔多適合，好多老人家傾開都話半夜幾乎起唔到身去廁所，希望旅行社以後有所改變；今次嘅評分我就比八十分喇。

日本中部、北陸白川鄉五天遊(第四日）

24-3-2017  (第四日）
精彩喇，今日去遊覽每到日本嘅旅客必訪一次嘅童話村落「白川鄉合掌村」，閒逛高山市老街。

07:00起床，梳洗好就落餐廳食早餐，見咁好陽光就先出去餐廳後面嘅滑雪場影番幾幅相先。

影完相先至到餐廳食早餐，呢個早餐定食都幾豐富喎。

 食飽飽見天色特然暗咗，仲落起雪添，我地就再出去影過。

 夠鐘上車出發喇。

 酒店員工冒着寒風細雪禮貌性向我地送行。

 旅遊巴離開酒店，向「白川鄉合掌村」進發。

 沿途嘅雪景令到所有團友都非常雀躍。

 好快就黎到「白川鄉合掌村」，一落車以經比附近嘅美麗雪景所吸引。

 經過呢條吊橋入村。

 呢度仲係保留住古撲嘅木建築群。

 到此一遊。

 導遊講咗集合時間同地點我地就自由活動喇。

依家Ｄ雪以經唔多架喇，如果早一個月黎，我相信個景係全白色。

 我地同一对團友夫婦，一路行一路互相同大家影低咁靚嘅雪景。

 呢度嘅夏季原來都有種禾稻。

 呢堆雪有個洞，我同大人見咁得意，娟入去玩吓先。

 小路兩旁嘅雪，堆到人咁高。

 當地居民嘅住所，屋頂都仲係用禾稈草搭建而成。

 可能開始溶雪，池中Ｄ水都冇結冰。

 如果早一兩個月黎，呢度嘅雪景就係咁樣架喇，呢張係我嘅複製品。

 呢度本來係一大幅嘅稻田，依家就比雪蓋住。

 經過見有個老婦人喺度好辛苦咁鏟雪，我就話見你咁辛苦，等我幫吓你手喇，其實自己想攪攪震啫！哈哈～

 可能開始溶雪，池中Ｄ水都冇結冰。

 我地掛住玩，唔記得上山上影呢條村嘅全景添，真係失策，又唔夠時間上去，為有沿著大路行番出去囉！

 鏟雪車都影一餐。

 村屋前留影。

 呢堆雪仲得意，專登雕咗個人形出黎比人影相。

 呢個牌坊又唔知咩意思呢！

 又由番條吊橋行番出去集合地點。

 呢幅係合掌村嘅夜景，又係我嘅複製品。

 依依不捨咁離開「白川鄉合掌村」，上番車去食午餐。

 今餐係食（鄉土料理，朴葉味噌燒）。

自費加料，蝦、帶子刺身，盛惠4800丹。

 所謂（朴葉味噌燒），係用當地出產嘅一種樹葉，稱為朴葉，將Ｄ食材放喺葉面度煎，咁煎出黎嘅食物就有種特殊嘅香味，唔錯！

 條魚細細，味道一流。

 又係大滿足嘅一餐。

 食飽飽就出去餐廳後面嘅滑雪場玩吓。

用個好似水泡咁嘅物體，由上面滑落黎，就連大人都敢玩，可想而知係幾咁安全喇。

 玩完Ｄ小兒科野就準備上車往下一個景點。

 一個景點係閒逛（高山老街），感受飛驒高山人生活嘅古撲風情。

 黎到目的地落車啱啱又落小雪。

 呢個無臉公仔係當地嘅產品，比小朋友玩嘅，随你任意畫上面孔，如果小朋友乖就畫上笑臉，小朋友如果唔乖就畫上鬼臉嚇吓佢，真有意思。

喺集合點影低個地標，認住唔怕迷路。

 週圍逛吓先。

 入店內參觀吓Ｄ當地手工藝品。

 日本Ｄ橋好多時都會用呢隻顏色喎。

 又落雪喇，好彩我地嘅預寒裝備充足，所以一Ｄ都唔覺凍。

 番到出黎集合點，影多幾幅先。

 參觀完（高山老街），上車往「名古屋」。

 呢次嘅車程最長，成三個幾鐘先至到達「名古屋」。

 又到食晚餐嘅時間，呢餐係食（日式燒烤）。

 食物豐富，有牛、豬、雞、菌類、蔬菜、飯面、甜品、味噌湯等等，大快朵頤！

 嚓喇喂～

食飽飽番酒店，冲個靚涼，照舊嘆番杯靚奶茶，上陣網就瞓喇。

聽日係回港日，原來「常滑市」呢度係招財貓嘅故鄉，咁上午可以去逛吓，仲可以喺當地嘅AEON MALL百貨商場購物。