今日行程會去好多地方，首先會去汶萊嘅（第29任國王清真寺）；蘇丹皇宮（外觀）；蘇丹登基銀禧記念館；汶萊土產店；汶萊威尼斯（傳統水鄉）；奥瑪阿里第28任國王清真寺（外觀）；水晶公園。
早上08:30起床，梳洗好出露台呼吸吓清新嘅空氣。
落餐廳食個懶洋洋嘅早餐。
10:00上車出發往汶萊嘅（第29任國王清真寺）參觀。
唔駛廿分鐘車程就黎到汶萊（第29任國王清真寺）。
所有人入寺內都要除鞋，女性要披上黑色罩裙，如果男性著短褲都要披上罩裙。
唔理佢係咩塔，總之見塔就影！
石楷同石柱都係用黑色大理石建成。
寺內中間嘅扶手電梯，係比汶萊國王上落，兩旁嘅藍色楷梯係比其他人用嘅。
出番户外影吓相先。
充滿熱帶風情嘅清真寺，份外美麗。
英姐話要學人玩漂浮，跳極都跳唔起，比佢笑鬼屎。
離開汶萊（第29任國王清真寺），上車前往世界上最大私人住所嘅「蘇丹皇宮」參觀。
好快又到咗蘇丹皇宮喇，所謂參觀，都係喺大門口影吓相咁咋！
呢個守衛唔知係米喺度恰眼瞓呢！
汶萊皇宮個招牌。
影影吓有皇室人員駕車出黎。
積架黎啫，唔算超豪。
架車出咗去又影過。
鏡頭伸入去度閘影吓先。
點都要同個守衛合照嘅！
呢個牌唔知係米汶萊國徽呢？
參觀完「蘇丹皇宮」正門，導遊話帶我地去影吓皇宮嘅屋頂喎。
原來呢度先至係皇宮。
須然皇宮隔咁遠，點都要影吓囉～
跟住上番車去食午餐喇。
今餐係食馬來風味餐。
馬來餐都唔錯，幾啱我地胃口。
食飽上番車往「蘇丹登基銀禧記念館」。
十幾分鐘車程就到咗「蘇丹登基銀禧記念館」。
十幾分鐘車程就到咗「蘇丹登基銀禧記念館」
館內展示咗第29任國王喺1968年登基大典時用嘅各種王室器具，主要包括呢架巡遊首都時所坐嘅御駕王車，金盾同長矛。
金盾。
鑼傘。
長矛。
第29任國王喺1968年登基大典時用嘅巡遊首都時所坐嘅御駕王車。
呢架野唔係用動物黎拉，更加唔係用機械推動，係用成百個人用人力推動。
飛机大炮。
金盾長矛
參觀完「蘇丹登基銀禧記念館」，跟住去汶萊土產店。
入店內都要除鞋。
其實入黎個個都唔係買野嘅，至在著佢Ｄ汶萊傳統服裝玩吓咁啫！
哈哈～好攪笑！
呢幅我坐得幾有形！
又喺度攪攪震，冇幫襯喇～
嘻嘻！
店內售賣嘅紙鎮，中間有Ｄ汶萊出產嘅原石油喺度。
係間士產舖攪咗一輪就乘搭水上的士往汶萊威尼斯（傳統水鄉）。
汶萊呢個傳統水鄉超過千年歴史，到依家都仲有三萬居民喺度住，須然房屋係用木材同埋鐵皮搭建，但喺屋内嘅裝修就十分豪華，區內配套亦係好完善，唔單只有電供應，建有學校、醫院、警察局、商店等等。
香港大澳嘅棚屋就要向佢學習吓喇。
分有好多個碼頭。
喺海上面住，釣魚消閒梗係唔少得。
我地上咗碼頭，全部要穿上救生衣，經過呢條水上小巠，先至到達我地要探訪果間水上房屋。
呢間係學校。
Ｄ學生怕羞，唔敢同大人合照。
私人花園。
好有特色嘅水上房屋，梗係要同佢影番張合照喇！
呢隻貓好有性格，擵佢都唔彩你。
水上屋內主人準備咗Ｄ茶點招呼我地。
好唔好食都試吓喇。
呢幅相係主人嘅孫女。
嘆埋杯茶就同主人講聲拜拜出去行吓！
呢條橋起好之後就可以貫通自己汶萊兩地，往來唔駛經馬來西亞境，免咗出入境嘅嘛煩。
落船番埋岸。
上車去參觀「奥瑪阿里28任國王清真寺」。
落咗車各人都喺正門攞景，我就同大人走過黎呢邊影相。
將個鏡頭超越道閘黎影，卒之比我影到「奥瑪阿里28任國王清真寺」咁靚嘅倒影。
呢幅連埋旁邊嘅石舫一齊入鏡，倒影更加清晰。
喺「奥瑪阿里28任國王清真寺」正門參觀影番張相。
參觀完「奥瑪阿里28任國王清真寺」，天開始黑，正好去參觀水晶公園。
到此一遊。
呢個公園，係蘇丹皇室為人民而建，用咗13億汶萊幣，（約80億港元）興建；喺公園入口，安放一顆重8.5噸重嘅水晶，呢...喺大人背後綠色發光果舊就係8.5噸水晶喇！
綠色發光果舊就係8.5噸水晶喇！
睇完咁靚嘅水晶就四圍行吓！
有個涼亭喎！
又走入去攪攪震。
參觀完呢個水晶公園就去食晚飯。
今餐係食（地道）中式海鮮餐。
滋補藥材雞湯。
金童雞丁。
麥片蝦。
清蒸魚。
食飽飽就番酒店，今日都幾攰吓，，一上房就沖個涼，嘆埋杯靚奶茶就瞓喇。
第六日係回港篇，聽朝乘搭汶萊航空10:30嘅航班回港。
