日本中部、北陸白川鄉五天遊(第二日）

今日會去參觀「福井縣若狹町熊川宿」嘅日本傳統建築物群，到「東尋坊」觀賞獨特地理景觀嘅海崖，參觀永平寺，香林坊。

22-3-2017  (第二日）
06:30起床，梳洗好就落餐廳食個豐富嘅早餐。

食飽飽就上車出發。

 車窗外嘅景色。

 好快就到咗「福井縣若狹町熊川宿」，呢度喺1996年7月，被日本政府評定為重要傳統嘅建築物群保存地區。

 屋前街道上嘅小溪，係不斷由山上流落黎嘅雪水所形成。

 傳統嘅建築物。

 到此一遊。

 街灯都有街名。

 不斷由山上流落黎嘅雪水。

 睇完Ｄ傳統建築就上番車往下個景點。

 經過三方五湖區，停車比我地影吓相。

 睇完風景上車去食午餐。

 今餐係地道料理，另外自費加料。

 分好枱，坐定等食。

 自費加料，盛惠5800日圓。

食飽飽上車往「東尋坊」，觀賞其獨特地理景觀嘅海崖。

 好快就到咗「東尋坊」。

 到此一遊。

 普通料啫！

 附近都有好多海產店舖。

 上車往下一個景點「永平寺」，係日本禪宗嘅發源地。

 到咗目的地，導遊同我地講解呢間永平寺嘅歴史。

 古樹參天，樹幹好粗，兩個人都攬唔哂。

雪堆高過人。

 入寺內參觀吓先。

 室內要除鞋。

 長長嘅木樓梯，我地往上走。

 咁有名嘅寺院都咁寧靜，換著我地國內，必定人山人海。

 到此一遊。

參觀完永平寺就上車番酒店。

 等攞房間。

 酒店大堂擺放咗好靚嘅插花。

 趁未派房間，喺度影番幾幅相先。

今晚食自己，攞好房間，洗過面就落街揾食。

行來行去都唔知食乜好，卒之喺超市買Ｄ野番酒店自已整，呢餐唔駛一千丹，再整番杯靚奶茶，你都米話唔正。

食飽飽，上陣網就瞓覺喇。

聽日嘅行程係去日本三大名園之一嘅「兼六園」，體會當地文化「江町市場」，「東茶屋街」感受江户時代風格木造建築。

日本中部、北陸白川鄉五天遊(第一日）

喺三月就梗要去一次旅行架，今次近近地簡咗去日本中部、北陸～世界遺產「白川鄉」五天，睇吓雪景，食吓地道野，兩公婆他他條條玩幾日。

21-3-2017  (第一日）
我地簡咗喺21號嘅團出發，須然比原價貴200蚊，但係起飛時間喺早上10:30，可以晏少少到机場，唔駛半夜三更起身出發。

06:00出發往机場。

喺候機室等上机。

 上机前指定動作。

國泰嘅飛机餐啱香港人嘅口味。

 食個餐睇齣戲話咁快就到咗大阪關西机場。

 到咗大阪關西机場，順利過埋海關就等旅遊巴黎接我地。

 上咗旅遊巴首先往京都。

 到咗京都先去食過晚餐。

 今餐係烚吓烚吓，食(阿波豚、雞)，仲有馳名嘅京豆腐。

 開餐喇！

清枱飽飽。

跟住上車番酒店，房間須然細，不過乾剩企理，十分舒適。

 當地氣温須然係得5度，但係我地香港人多數都會習慣閂咗Ｄ暖氣，仲要開番少少窗，等房內有清新嘅空氣至舒服。

 經過一日嘅舟車勞頓，夜麻麻出街又冇咩好行，都係先沖過凉，上陣網，嘆番杯奶茶就瞓覺喇！

聽日會去參觀「福井縣若狹町熊川宿」嘅日本傳統建築物群，到「東尋坊」觀賞獨特地理景觀嘅海崖，參觀永平寺，香林坊。