大金古番黎喇

12-5-2015  (農曆三月廿四)
呢排成日落雨，成十日都冇釣過魚，今日趁較為好天，執起架生就出發釣魚喇！
18:00一到主場，見仲係落流，慢慢開好兩枝笩竿，一枝用秋刀做餌打沉底，一枝腳邊釣金古；一路釣到21:15，沉底枝竿剩係比Ｄ蟹喺度攪攪震，釣金古果枝就未有過魚訊，又過咗十零分鐘，釣金古枝竿開始有魚訊喇，仲好明顯係金古食餌，等呢個時刻都等咗好多日喇，所以一Ｄ都唔敢大意，揾陣Ｄ等條魚食到震震吓咁拉落去果吓我先至抽竿，一抽以經知係大野，頂咗兩三秒，即追幾手，條魚發茅左飛右飛，因為鈎細唔敢同佢力搏，就佢幾吓又收幾吓，絛魚一發力，個磅頂即刻叮叮聲響，一路攪吓就吓，見魚喇，條魚高速係咁四圍標，再收多兩三吓，條魚一到水面就唔郁，好大餅，用撈箕上水，解鈎落生籠，換餌繼續；一落餌就有魚接，呢次食得狼Ｄ，見佢較為大力扯果吓我就抽竿，又中，冇之前果條咁大，輕鬆上水，落埋生籠就繼續，呢次落餌就靜哂，Ｄ魚又唔知走哂去邊，流又轉埋，都係見好就收喇，執埋Ｄ架生鬆人去宵夜喇喂～

等咗佢成個月先至番黎！

 呢條金古足斤半。

 中兩條都夠哂數。

釣完魚，宵夜整番碗牛什河食吓。

Ｄ金古唔見哂

27-4-2015  (農曆三月十四)
格咗幾日，Ｄ金古埋番黎喇掛～釣咗成晚都係零魚訊，又係釣得一條大眼倉，呢個咩海黎架！

好彩有條大眼倉交吓差嘖。

 釣完呢條就成個海都静哂。

亳無驚喜，順便出埋呢日嘅魚獲。
 2-5-2015  (農曆三月十四)
冇魚釣，石狗都釣番幾條。

大眼倉

24-4-2015  (農曆三月初六)
諗住今晚都係釣金古，點知成晚都冇佢嘅踪影，好彩都有條大眼倉中吓。

又龜唔哂喎。

 大人話好食過金古喎，我就麻麻喇！

成晚釣得條大眼倉。

有魚要盡釣

23-4-2015  (農曆三月初五)
今晚好彩得閒，落商埸買半磅麵包就飛車直跴主場，落到去Ｄ流都係行到嘭嘭聲，唔理三七廿一，開好竿即刻落餌，泥鯭一收口就傳黎金古魚訊，可能水流急，Ｄ魚食餌食得好辛苦，咁我即刻換粒重Ｄ嘅鉛，再落餌，依家粒餌定番Ｄ，魚訊就明顯好多；一路釣到十點幾，只係中咗五條，見Ｄ水漲到差唔多濕腳，都係唔好磨爛蓆，執野走人去宵夜好過喇！

呢兩條金古Ｄ哂士都唔錯。

 今晚都揾到餐餸。

乘勝追擊

22-4-2015  (農曆三月初四)
前晚釣剩幾塊麵包，今晚再去追擊金古；18;00落到主場，嗱嗱聲娟落橋底，開好竿就落餌，開頭都係Ｄ泥鯭化餌，天一入黑，泥鯭收口，即刻傳來金古嘅魚訊，一路釣到十點幾，中咗六口，目的以達，執埋Ｄ架生去宵夜喇～
又中大金古，呢兩條都有斤零重。

 今晚中六條。

踏入金古季節

20-4-2015  (農曆三月初二)
早幾日喺主場見釣友喺度釣金古，咁我就痴佢一塊麵包，又比我釣咗幾條喎，今晚一於視金古為目標魚，主力釣佢。

金古季正式開始，呢兩條都有斤零。

 流水一慢連起五條。

今年Ｄ鱸細細條

16-3-2015  (農曆正月廿六)
今季嘅鱸魚，除咗季初果Ｄ較為大少少，其他時間都係Ｄ兩斤唔夠，毫無睇頭，好似今晚咁須然連中三元，但係都係奀雌雌，最大果條都係兩斤鬆Ｄ。
都有幾條鱸魚釣吓。

 成十點先開口連中三元。

 順便分享埋幾次嘅釣獲。
17-3-2015  (農曆正月廿七)
釣Ｄ石狗煲啖湯飲吓先。

 18-3-2015  (農曆正月廿八)
石狗有價！

 13-4-2015  (農曆二月廿五)
又開始釣金古喇！