冇鱸釣嘅日子

呢幾日天寒地凍，又冇大魚釣(我嘅目標係一斤

以上就係大魚)，咁就順便休息幾日囉，橫惦咁

得閒，攞番近排本來收埋咗嘅魚相出尼，比大

家分享吓，千昕就唔好見笑喎！

20-11-2010(農曆十月十五)

劃仔、絲立、加石狗。

22-11-2010(農曆十月十七)

劃仔加石鰍。

23-11-2010(農曆十月十八)

劃仔、加瓜衫仔。

24-11-2010(農曆十月十九)

劃仔、火點、大石九。

成五六両重嘅大石九。

30-12-2010  (農曆十一月廿五)

中番條似佯Ｄ嘅黃立倉。

 須然細細地都係好嘅開始。

磅頭黃立倉，都係得一條。

4-1-2011

頭威頭勢執番條石蚌。

中條磅頭放生石蚌都好過龜。

7-1-2011(農曆十二月初四)

尼兩日都係得呢Ｄ黃腳立，都幾大條吓。

第一次釣到嘅白頸老鴉！(釣魚仔話嘅)

好~等我抖足精神，天氣又冇咁凍，

先至去做Ｄ鱸魚世界！！

走三條大，捉番三條細 (釣魚人講親走甩嘅魚梗係大嘅)！

16-11-2010   (農曆十月十一)

高橋約我今晚出南丫煤橋玩番轉，我就梗係

應承佢喇！晚上七點半，落北角兜埋佢，到

鴨脷洲洪勝碼頭泊好車，八點落艇出發。

架艇經過海怡半島。

高橋未食野，整番個便當先！釣魚人都唔知

為乜，有自唔在.........！

一到咗目的地，我就梗係跳上大樁，高橋上

五樁，一上到去嗱嗱聲開枝竿釣鱸，因為上

次中過鱸，諗住食過番尋味，跟住先開兩枝

筏仔打沉底。

到十一點幾停哂流，依然毫無魚訊，剩係釣

埋Ｄ最麻鬼煩嘅泥婆骨鱔，此時高橋來電，

話斷咗條五六斤大鱸。嗯~~轉流就黎料喇

！我金睛火眼吼實幾枝竿，特然我左手便枝

竿響鉸，一手執起枝竿，順勢一抽，中呀，

快速攪咗七八吓，跟住一吓輕哂，爆咀走魚

！過咗一陣，輪到釣鱸果枝竿有魚訊喇，一

抽竿己知細野，收上黎原來係一條斤頭馬友

！之後連斷兩口沉底，好彩又中番條班仔(我

尼次唔敢講係乜野班喇)，再中多條細鱗仔。

望吓個錶，又到咗收野嘅時間喇！到咗兩點，

勝記黎接番我地，高橋就中番條兩斤牛屎，

都算好喇。架艇車番鴨脷洲攞 車，再落香港

仔宵夜，食飽飽，送番高橋番北角，自己番

到屋企都成三點幾囉！ 

擺好個相机自拍，尼條係米黃釘呢？

條細鳞真係好細，大嘅又釣唔到。

釣唔到大鱸，揾番幾條魚仔制旗！

順便出埋呢幾晚嘅魚穫先。

15-11-2010

釣劃仔。

條梳籮幾巨形，足有手板咁大。

17-11-2010

又係釣劃，不過今次係撘條牛鰍。

幾両嘅牛鰍仔。

卒之中番條芝蔴班喇Sorry(係青班至真)！

11-11-2010  (農曆十月初六)  唔大風

呢排都係釣魚仔，悶到史，都唔係我嘅作風

，所以决定今晚轉釣番大魚！

落街市拾咗廿蚊虾，就落主場，19:30落到

去得我一個人，慢慢開好竿，今次都係開三

枝竿，例牌兩枝沉底，一枝釣半水。

到咗20:15特然聽到一吓刺耳嘅響攪聲，又

係上次走斷咗果條魚嘅食法，我就一個箭步

標埋去攞起枝筏仔，經上次嘅教訓，明知中

咗架喇，都唔第一時間揪竿，只係快速收緊

多餘嘅絲，大約兩秒度，當佢再發力果吓，

我就用力一頂，跟住狂收十幾呎，一呎都唔

比佢，不出所料，一路都好順，戰閗時間都

唔使廿秒，一見魚影就成條彈佢上岸，原來

係接近兩斤嘅芝蔴班(經卜友指教呢條原來係

青班)，唔怪之得咁食餌法喇！小心落好生扣

，繼續再釣~~

又到咗22:00都係擺脫唔到每晚一條嘅命運，

都係執埋架生，早Ｄ走人喇！

較正個相机自拍先 。

釣到班嘅心情就最靚架喇！

番到屋企都未夠11點，大人同我影嘅。

黎過勝利甫士先。

準備劏魚。(過磅一斤十三)

前幾日掛住釣魚仔，釣到個人都冇哂閗志！

8-11-2010

釣嘅魚仔，以劃仔為主打。

9-11-2010

釣嘅魚仔，Ｄ梳蘿好鬼大條喎。

10-11-2010

釣嘅魚仔，仲釣到Ｄ泥婆同門鱔添喎！

仲有呢Ｄ野添。

條泥婆好肥美，成兩斤重。

名位卜友，唔知尼Ｄ係米門鱔呢？Ｄ牙仲犀

利過油追呀！都斤幾兩斤重架。

磨成晚都係得一條！

6-11-2010  (農曆十月初一)  和暖

今日上晝都係有雨粉，到咗下晝個天開始光

番少少，師傅偉來電問今晚落唔落場，我梗

係即刻應承喇。

19:30買咗餌到主場，師傅偉又剛到，見落緊

流，唔使急，就一齊慢慢開好竿，我就梗係

兩枝沉底，一枝鈎生虾釣半水，佢就梗係開

兩枝竿，齋釣鱸！

又到咗十點鐘，轉咗幾個位，一路都冇魚訊

，好彩有人吹吓水，唔係就悶史喇。傾傾吓

，見沉底果枝竿頭彎咗一吓，黎料喇！一手

執起枝竿，條魚己經發力，我都己經即刻攪

咗幾吓，但係都唔夠佢快，比佢包咗樁添，

我唔敢大力拉佢，好有耐心咁放吓收吓，搏

條魚走番出黎，足足等咗成十幾廿分鐘，條

魚掉頭游番出黎喇，我即刻快速收絲，條魚

毫無反抗，好順咁就成條比我飛上岸，磅頭

石蚌，費事落生扣，速入冰箱，再落餌繼續。

一路釣到十二點幾，都係冇魚訊，一條就係

一條，呢個定律仲未有變，兩條友仔執埋

Ｄ架生，齊齊去宵夜好過喇！拜拜！

中到魚個人都精神Ｄ嘅。

一日一條嘅定律仲未改變。

呢條石蚌冇上次果條咁靚仔。

番到屋企自拍。

是晚魚穫。