有新意

16-9-2013  (農曆八月十二) 
今日睇過流水表，晚上七點Ｄ水漲到1.7米，主場
橋底唔落得，即係唔駛預釣金古，咁為有全程玩
沉底。落到主場開兩枝竿，一長一短，跟住坐定
定等運到，坐咗成兩個鐘，兩枝竿郁都未郁過，
谷鬼氣枝長竿將餌掟遠Ｄ，果然有較，即刻有
魚食餌，拉咗幾野我就 抽竿，中咗收埋黎原來係
劃仔，都好有得過引，再落餌又中，跟住又靜哂
；呢個時候筏仔竿頭有魚拉喇，我即刻執起枝竿
，當佢搶餌果吓就抽，即中，開頭仲以為係細鱗
，收到上水面至知係紅鰽，見條魚唔大，費事洗
撈箕，成條彈佢上黎，都唔錯喎有磅頭，跟住釣
多條劃就收工喇，須然釣得幾條魚仔，不過好過
又係金古吖，起碼有Ｄ新意！

沉底中紅魚磅頭。

劃仔都開始埋黎喇 ！