金古最老友

16-8-2013  (農曆七月初十）
尋晚釣金古釣得咁過引，今晚一於再去過，經過街市順手執多廿蚊虾，睇吓有冇細鱗釣吓至得。
六點半落到主場，時間啱啱好，梗係主打金古先喇，果然冇詁錯，又係喺個天半光暗嘅時間，Ｄ金古就開口，一連釣咗三條，天一黑齊，金古就收哂口，都係唔好學尋晚咁磨爛蓆喇，改牌頭玩吓沉底好過。
嗱嗱聲開過Ｄ架生，攞Ｄ蝦出黎搣蝦肉做餌，沉底睇有冇運行至得，卒之釣咗兩個鐘，中得條沙立仔；時間過得真快，望吓個錶，又十點幾喇，流水都起埋，都係執野走人去宵夜嘅時候囉！

冇你咁好氣，今晚再中多幾條金古 。

呢條磅頭都唔差 。

夾埋都有斤幾。