專攻烏頭實錄

近排真係未買過蝦落主場釣魚，剩係攞兩塊方包做餌，專攻烏頭，不過今季仲未見有過一大基嘅烏頭羣，所以每晚都係一條起兩條止，好彩人人有魚中，玩得個個釣友都好開心，釣魚莫過於此，唔好計較有乜魚上釣，最緊要係釣得開心。

唔講咁多無謂野喇，比Ｄ呢幾晚嘅收穫大家分享吓，希望大家都開開心心！

2-9-2010

烏頭一條再加幾條小魚，Ｄ魚仔儲埋幾次又可以煲餐飲喇！

4-9-2010

晚簧用千年虾仁中條十両芝蔴仔，大人最鐘意食嘅魚。

跟住到天黑就再中烏頭王，冇過磅，所以唔知幾重，我諗尼次有五斤喇掛！

跟手就比奉場客打劫，即劏即食。

之後果晚再中多條斤零兩斤嘅就番屋企喇。

6-9-2010

夜水剩係釣得一條烏頭。

8-9-2010

今晚好彩喺行雷閃電大雷暴前，釣咗兩條先啫，跟住個天好似發晒癲咁，我同師傅偉、Uncle三人，拿拿聲執野走人，番到屋企大雷暴就啱啱到，好彩走得快！哈哈！