開年魚

25-2-2015  (農曆正月初七)
過咗年第一次開竿，為咗好嘅開始，目標魚一定係鱸魚喇！
去釣魚店買廿隻蝦就駛車落主場，去到見Ｄ流水啱啱起，我就嗱嗱聲開兩枝竿釣鱸，再開多枝腳邊打沉底，釣咗唔夠半個鐘，其中一枝釣鱸竿比魚拉到響鉸，我一攞起枝竿都費事抽，即攪幾吓，完全感覺唔到有反抗嘅跡象，咁樣就好容易就收到上黎，一條唔夠兩斤小鱸，為安全起見，梗係撈箕上水喇，解鈎落生扣，換餌繼續。
一路釣到十一點都係一條到尾，既然攞咗頭彩，所以都唔好同佢磨喇，跟住執埋Ｄ架生，走人去宵夜喇！

好彩又比我釣番條開年魚。

斤頭小鱸都算好嘅開始。

開年好彩有條鱸仔釣吓！