緬甸-仰光,勃固,丁茵,大金石,六天之旅 (第三日)

今日會由吉諦瑜（大金石）往返勃固，參觀重建嘅「干邦沙底里皇宮」；參觀瑞達良大臥佛；孟族村參觀人手制作嘅紡織品；喬多吉白玉寺；白象園。

15-9-2017  (第三日)

早上6:00起床，梳洗好就到餐廳食早餐。

 食飽飽等出發期間，導遊示範點樣將一種值物嘅樹皮，加水磨成粉漿，查上皮膚度有防晒作用。

 夠鍾就由酒店行去車站落山，小路旁邊有好多小販地攤售賣各種食物。

 小販地攤售賣各種食物包括有雞、豬、魚、菜等等。

 幾分鐘就黎到車站，乘坐番Ｄ大卡車落山。

 行車途中見到有當地嘅婦女，用頭頂住Ｄ蔬菜生果，向居民兜售。

 坐大卡車須然唔係好舒適，不過都係一種旅遊體驗黎嘅。

 大卡車落到山腳，我地就轉換番舒適嘅旅遊大巴，繼續行程往勃固，參觀重建嘅「干邦沙底里皇宮」。

 經差唔多兩小時嘅車程，就到咗勃固嘅「干邦沙底里皇宮」，又叫做勃固皇宮古城，以孟族風格建築、繪畫、雕刻，對緬甸發展起到好重要嘅作用。

 呢座「干邦沙底里皇宮」係仿製品，本身座皇宮喺好奈以前，比暹邏（泰國）摧毀咗，樑柱本身係用柚木打造嘅，依家就用佐水泥仿製。

 原有嘅破爛柚木柱就放番喺泥水石柱旁邊。

 柱上嘅裝飾就突顯咗孟族建築風格，充分體現咗孟族細緻嘅古老技術。

 呢度就係皇帝上朝坐嘅龍椅寶座。

   

  四週圍欣賞吓先。

平時唔多願意影相嘅大姨，都話要同佢影番張喎！

黃太都要影番幅。

 「干邦沙底里皇宮」嘅全貌（影人地Ｄ相）。

 柱上嘅裝飾就突顯咗孟族建築風格，充分體現咗孟族細緻嘅古老技術。

 皇帝御用嘅私家車。

 呢艘船都係用原棵柚木樹雕造而成。

 參觀完「干邦沙底里皇宮」就行番出去上車。

  喺度打打咭先。

 參觀完「干邦沙底里皇宮」就行番出去上車往參觀瑞達良大臥佛。

 呢座「瑞達良大臥佛」，係當今世上最大嘅佛像之一，佢喺叢林裏面隱藏咗200年，之後喺19世紀80年先至被人重新發現。

 「瑞達良大臥佛」嘅腳板底部都唔少野，鑲嵌咗好多寶石同精緻雕刻。

好多用圖畫黎記載嘅古仔。

   

 同英姐影番張先。

  見有個大銅鍾喺度，唔好執輸，整番幾野先。

 「瑞達良大臥佛」個枕頭都好巴閉吓。

  

   英姐話呢個角度影靚Ｄ喎！

 參觀完「瑞達良大臥佛」行番出去室外。

 外面有野賣喎！

 用自拍棒影吓先。 

 我地話爺，黃太話貳！

 參觀完「瑞達良大臥佛」上番車去「孟族村」參觀人手制作嘅紡織品。

 好快就到咗「孟族村」，參觀人手制作嘅紡織品。

 經過見到「孟族村」内嘅小學，學生正在上課。

 入去參觀人手制作嘅紡織廠。

 參觀完紡織廠就出去門市部購貨。

 我就選購咗一條（沙瑯），日後進寺院時穿著；老板娘仲教埋我點樣着添！

 買完野，老板娘好有禮貌咁同我地拜拜！

 參觀完「孟族村」就上車去食午餐。

 途經偶然見到一座户外嘅大臥佛像。 

  好快就到咗食午飯嘅餐廳。

 揾好個冷氣風口位，坐定定嘆番杯茶先。

 餸菜都唔錯。

 食飽飽就上車去參觀「喬多吉白玉佛寺」。

  呢座「喬多吉白玉佛」都算宏偉喇。

 揾個唔反光嘅角度先至影得清楚。

 試吓着（沙瑯）睇舒唔舒適先，又幾好咁喎。

呢座「喬多吉白玉佛」都算宏偉喇。

週圍逛吓先。

 參觀完「喬多吉白玉佛寺」，再去「白象園」。

 園內共有三隻白象。

 喺緬甸呢度嘅白象，其實並唔係白色嘅大象，而係灰色嘅身體顯得有Ｄ發白，就好似Ｄ衫洗到甩咗色咁樣，眞正嘅象係好罕有而且好珍貴嘅動物，受到世界保護，緬甸同泰國嘅皇帝都十分喜愛白象，曾經為咗爭奪白象而大起干戈。

  

 參觀完「白象園」，上番車去食晚飯。

 Ｄ餸菜餐餐都係咁豐富。

 食飽飽番酒店，都係住番第一晚果間四星仰光JASMINE PALACE HOTEL，我地仲會喺度連住三晚；攞咗房間，待應就送番我地寄存喺酒店嘅行理黎房間度。

 上次住11樓，今次就住9樓。

 玩咗成日有Ｄ攰，冲個凉，上陣網，嘆埋杯奶茶就瞓覺喇！

聽日嘅行程會去仰光佛教聖地「大金塔」，「喬達基臥佛寺」，昂山市場，唐人街，慶福宮，觀音古廟。