同乖孫洋洋圓圓到世英度開大餐

姨甥世英約我地去佢屋企食晚飯，仲話有禮物送比兩個乖孫添，咁我就同乖孫洋洋、圓圓一齊去佢度。
13-5-2018  (星期日)
同乖孫洋洋、圓圓一齊去佢表姨媽度。

兩個乖孫喺佢表姨媽度玩到癲哂。

仲有大袋禮物收。

今晚嘅菜式先黎冷盤四小碟 ，青瓜、 雲耳、 茄子、 雞肶菇。

炸釀豆卜佩泰式醬。

帶子蒸水蛋。

 蜜汁焗排骨。

手撕雞，兩隻肶留比乖孫食。

節瓜粉絲煮蝦乾。

粉葛粟米紅蘿蔔素湯。

黃腳立 （凍食)。

 鮑魚海參扒津白。

 蘿白清湯牛腩。

 整咁多餸，辛苦世英喇。

 豐富嘅晚餐，食得大滿足。

 飯後甜品係士多啤梨忌廉蛋糕。

乖孫圓圓話點解唔駛唱生日歌嘅！

兩個乖孫爭住切蛋糕。

聽日兩個乖孫都要番學，要早瞓，食埋蛋糕坐多陣就要送佢地番屋企喇！