韓國「全羅南道」內藏山五天風景之旅(第二日)

24-10-2016  (第二日)
今日會去「智異山國立公園」、「順天灣國家庭園」、「潭陽水杉道樹林」，呼吸大自然嘅能量，欣賞秋天紅葉嘅壯麗景色。

七時起床，出露台欣賞出面嘅風景。

 七點半落餐廳食早餐。

 食咗早餐未夠鐘出發，同Ｄ老友喺酒店外逛吓先。

 夠鐘上車出發往「智異山國立公園」。

 到咗「智異山國立公園」，導遊去買飛入場，我地就去埋洗手間，柿子小販趁机喺度兜售。

 連洗手間都咁鬼靚。

 買咗飛就入場喇。

 呼吸吓Ｄ新鮮空氣以經值回票價。

 入華嚴寺內參觀。

 開始有Ｄ紅紅綠綠嘅景色囉喎。

 同中國嘅寺院大同小異。

 喺華嚴寺內週圍逛吓。

 洗手池。

 韓國嘅大雄殿，係冇咗個寶字。

 和尚參拜。

 殿前石燈。

 大人都喺度攪攪震。

 有棵古松樹修剪得咁靚，梗係喺度影番張相喇。

 參觀完出黎影相打卡。

 出黎揾Ｄ紅葉影吓先。

 揾到棵近近地揸上手影吓先。

呢棵都仲有Ｄ顏色。

呢度智異山Ｄ紅葉唔多，仲係未夠時候。

上車離開智異山去食午飯。

 今餐食韓式定食。

食飽上車往「順天灣國家庭園」。

買咗飛就入場喇。

 睇黎呢度似係一個大大公園多Ｄ。

 上去呢Ｄ小山丘度睇吓先。

 經由螺旋形嘅小徑上到山丘頂部，風景都唔錯。

行番落去湖邊，有兩條林哥仔魚(彈塗魚)喺度，又揾佢黎影張相。

 望番過去剛才我地上去果個小山丘。

 喺度同班老友一齊影番張大合照。

 雪梨樹。

 真奇怪，棵雪梨樹又會生有另一種紅色果實喎。

 好難得又有幾棵紅樹。

 行過去世界園藝展覽館(法國、中國、英國、泰國、日本等)。

一有机會我又攪攪震喇！

 逛過「順天灣國家庭園」上車往「潭陽水杉道樹林」景區。

 碎石道兩旁種滿整齊嘅水杉，冇咩特別，逗留一陣喇。

又到食晚飯嘅時間。

 今餐係食秘製竹筒飯套餐。

 掛住食，冇影到Ｄ竹筒飯添。

 今日係老友Ada生日，喺酒店賣咗個雪糕蛋糕番房同佢慶祝。

 齊齊唱生日歌，祝佢生日快樂！身體健康！

 好彩今次住呢間係套房，有個大廳，齊齊喺度食蛋糕，我就煲定奶茶嘆吓先。

攪咗一輪就散會，各自回房間休息喇。

聽日嘅行程就係今次旅遊主打項目「內藏山」喇！

韓國「全羅南道」內藏山五天風景之旅(第一日)

前言:有老友話喺呢個季節時候開始，南韓「全羅南道」內藏山嘅紅楓葉特別靚，係韓國八景之一喎，咁我就約齊Ｄ老友，一行十人，參加新X旅遊團，去睇吓係米真係咁靚至得！

23-10-2016  (第一日)
通常往韓國嘅旅行團，都係乘搭午夜嘅航班往韓國，朝早到達第一時間就開始節目行程，咁我就覺得唔夠瞓，玩起上黎都冇咁舒適，所以我會簡喺早上出發嘅團，到達韓國先趕路，入住酒店先！
當日我地晨咁早起身，乘頭班机場巴士往机場。

到咗机場到閘口等上机。

班机遲咗成個鐘先起飛。

 經三個多小時到達韓國仁川机場，入咗境乘坐黎接我地嘅旅遊巴就直往全羅南道。

 到達全羅南道以經係晚上八點幾，首先去餐廳食晚飯。

 今餐係食韓式豬肉濕燒。

 黃生話好彩有飯食，因為佢唔鐘意食麵。

 同老友Ada影張合照先。

 食飽上車番酒店。

 喺呢間酒店住兩晚。

 房間冇床要瞓榻榻米，其實都唔係幾啱我地Ｄ香港人嘅，我就冇所謂，但有幾個老人家第二朝話半夜起身上廁所，幾乎起唔到身。

 度假村式套房，都算幾大間；安頓好Ｄ老友番房沖涼，嘆番杯靚奶茶，上陣網就覺覺豬喇！

第二日嘅行程待續。