清一色

3-9-2013  (農曆七月廿八）   

今晚天氣都算唔錯，橫掂冇乜世藝，喺雪柜攞埋
盒千年虾仁，飛車落主場睇有冇運行至得。落到
主場開兩枝竿，一長一短，都係虾肉打沉底；Ｄ
流都幾急吓，本應搬入Ｄ作釣，講到尾都係一個
懶字，同埋坐喺出面會舒服Ｄ，仲風涼水冷添；
經過噚日大雷大雨，今晚仲有少少秋意，坐坐吓
仲覺得凍添喎！
過咗個幾鐘，Ｄ流開始慢落黎，筏仔竿頭比野拉
咗一吓，嗯!!黎料囉喎～我執起枝竿，輕輕往上
帶起，條魚就搶餌喇！一抽即中，有輕微嘅反抗
，一頂一收，好順咁就收到上水面，見係磅頭細
鱗，費事落撈箕，一野就飛佢上黎，解鈎落生籠
，速速落餌繼續釣；跟住落黎仲比我起多兩條細
鱗添。
一路釣到轉埋流就再冇魚訊喇，望吓個錶又到十
點，目標以達，執野走人去宵夜都係時候囉。

今晚中目標魚細鱗 。

 

細鱗條條都唔過斤。