到時候轉吓牌頭

8-5-2012  (農曆四月十八)
呢輪釣鱸釣到悶，今次走去買半磅麵包(＄4.5又貴咗五毛)，落主場釣吓金古，睇有冇運行先至得。
18:30落到去，開好竿，縮入橋底，揾個比較大嘅窿(大約四吋乘十五吋)落餌；當泥鯭一收口，就即中一條手板大嘅金古，好小心咁由條(喇)收佢上黎，即入冰箱，點知一路釣到慢流先再中多條，跟住轉埋流都冇魚訊，只有早Ｄ執野走人，聽日再黎釣過。

釣成晚先至有兩條。

劏好放入冰箱先。

9-5-2012  (農曆四月十九)

 今晚嘅魚訊仲少過上一晚，只係喺入黑前泥鯭收口果吓，先至有條中吓，跟住全晚得Ｄ零星魚訊，毫無金古就餌，我睇釣金古都未開季，下次都係玩番鱸魚好過。

釣足成晚都係一條到尾。