又係一條到尾

16-5-2012  (農曆四月廿六)
今日喺屋企食埋飯，他他條條成六點幾先落到主場，開好竿啱啱太陽落山，娟入碼頭底揾個靚位釣金古，一連落咗三四十口餌，都係比泥鯭咗，天都黑齊架喇，Ｄ泥鯭都仲未收口嘅！呢個時候師傅偉又到咗，佢就開兩枝竿添喎！泥鯭收埋口，大家三枝竿郁都未郁過。
21:15我枝竿有動靜喇，食咗兩三吓，跟住震震吓咁輕輕向下拉，係金古喇，我快速往上一抽，中咗！一中就係咁攪，好快就收咗佢上黎，解鈎落生籠；跟手再落餌，諗住Ｄ金古開口，點都有多一兩咀掛，可適一路釣到22:00都冇魚訊，咁我地就唯有執野走人，留力第日再釣過。

好努力咁不停換餌，都係得一條，真係疏口到不得了。

半斤十両都好過冇。