金鼓越釣越熱

橫掂冇鱸釣，沉底又望天打掛，既然金鼓當做，所以每次都係以佢為對像魚，不過我釣金鼓嘅技術，只係喺幼兒班皆段，一晚有幾十口食埋尼，但都係收穫平平，咁先至攞命，使到我要繼續努力鑽研先至得喇。

20-6-2011  (農曆五月十九)

太陽未收，本來一心釣金鼓嘅，但係Ｄ泥鯭埋黎搶餌，未到金鼓層就比佢將Ｄ餌化哂，谷鬼氣釣埋佢囉。

21-6-2011  (農曆五月二十)

成晚係咁抽竿，都係中得一條，好彩執番幾條橫澤補數。

24-6-2011  (農曆五月廿三)

Ｄ金鼓大少少，食餌嘅動作就較為明顯Ｄ，中呢三條都係睇到竿先微微咁拉落去，或者托起粒餌我先抽竿嘅。

27-6-2011  (農曆五月廿六)

卒之比我真係中番條大金鼓喇，呢次食餌更加明顯，直情見到拉竿，我一抽就中，以經心知大野，好小心咁攪吓就吓，佢就係咁搏命片，係咁極速打轉，我就盡快將佢升水，搏閗時間唔使四十秒，梗係撈箕上水喇。番到屋企，開心得制，嘈醒咗大人，咁就順便叫佢同我影番張相。

睇佢咁大餅，過秤其實都係得斤六兩。

細條果Ｄ食得又精又輕，要開住頭燈，睇住竿頭先知佢食餌，大果條食餌就明顯喇！

今晚嘅收穫都算唔錯喇。