釣金鼓技術開始掌握到喇

經過一連十幾晚釣金鼓，除咗頭一兩次〝高人〞指點咗魚嘅食餌動作之後，一路都係靠自己嘅摸索，經過咗雷電交加、橫風橫雨、大流屎流、到依家已經掌握到釣佢嘅「技巧」喇。

以下係小弟釣金鼓嘅小小心得，希望同各位大師分享：其實所謂「技巧」好簡單，只不過係用幾多號鈎，粒麵包餌嘅鈎法同鬆實度！

首先講鈎先，初初我用三號鈎，以為夠細喇，除咗有幾條較大嘅食埋黎有搶餌嘅感覺之外，其他較小嘅都係(符碌)抽中，完全冇把握抽中佢，後尾我轉用一號鈎，搶餌嘅動作就明顯喇，每次都等條魚拉竿頭或者枝竿頭彈起果吓就抽竿，十拿九揾。

上述如有差錯，敬請各路英雄多多賜教!!

首先送上一碟果皮蒸金鼓比大家分享，以示敬意！

11-6-29 (農曆五月廿八)

全部都係呢Ｄ晒士。

11-6-30 (農曆五月廿九)

中第三條果時因為入咗扣，換鈎時先發覺冇帶鈎，所以釣得三條就收檔。

11-7-1(農曆六月初一)

己掌握到釣金鼓嘅枝巧喇！