用條粗野黎開齋

1-6-2013  (農曆四月廿三）
連龜幾晚，自罰停賽一星期；今曰都係抱住（享受過程）嘅心情落主場玩吓，點知又有驚喜喎！
落到去一路都係喂泥鯭，到咗七點，Ｄ泥鯭收咗口，條金古就黎搶食，見枝竿頭震震吓咁拉落去，我眼明手快，一抽就中，好聚手！收咗幾吓佢就開始發難，磅頂即時比條魚拉到叮叮聲，知道係大野更加要小心，見佢一慢落黎就就快收幾吓，如是者三四個回合就見魚喇，好大餅，超過一斤有多，小心用撈箕上水，解勾落生籠一腳踢，望望隻勾，嘩!!好彩睇吓唧，隻勾比條魚拉到開咗，真係好險，如果比佢標多一次，睇怕會爆咀收場。呢個時候，師傅偉又黎到，我地一路釣到九點幾，流水都開始轉埋，見再冇魚訊，跟住就收野走人去宵夜喇！

龜咗幾獲，中番條大金古開齋。

釣到粗野，又有得向大人揚威耀武。

斤半金古夠開餐喇。