釣唔到唔准走

8-6-2013  (農曆五月初一)
晏畫打開個雪柜，發覺冇哂貨，17:00就飛車落主場睇有冇運行；落到去有幾個釣友以經喺度釣緊，我話呢幾晚都冇景，我睇今晚都唔例外，其中一個釣友話：「咁今晚邊個釣唔到就唔准走」！冇人反對，只係個個埋頭苦幹；一路釣到20:30幾枝竿都係未發市，特然我發覺自己枝竿傳黎有金古嘅魚訊，食咗三吓，第四吓就震震吓咁拉落去，我快速抽竿，即中！感覺有Ｄ斤両，攪咗幾吓就頂一陣，磅頂又傳出悅耳嘅叮叮聲，當條魚慢落黎我就追番三四吓，條魚唔再鐘水改為高速打圈，咁我梗係就就佢喇，比佢標埋樁就喊都無謂，大約兩分鐘度，上水見魚喇，我左手抽住條魚，右手落撈箕，輕鬆攪掂，解鈎落埋生籠一腳踢，跟住速速落餌繼續，可惜再冇魚訊，而佢地呢只係喺度做大眼仔，得個望字，睇下個錶都成22:00喇，我都冇佢地咁好氣，我有魚可以走得，留番佢地喺度磨爛蓆，一聲拜拜！走人去宵夜喇。

又係斤鬆Ｄ金古 。

金古斤零夠哂肥美 。