又要磨爛蓆

5-4-2014  (農曆三月初六)
喺晏晝，天氣真係好到不得了，陽光普照，唔去釣魚就真係對自己唔住，執埋架生，落街市買廿隻蝦就直跴主場。
五點落到去仲未轉流，開好竿就等運到，點知一等就等到轉埋流，仲要磨爛蓆磨到成十一點，竿頭先至微微郁咗一吓，唔理三七二十一，攞起撈箕就撲埋去拎起枝竿，唔使幾秒就扯到行，我一抽就中咗，快攪幾吓，感覺Hi住樁，即刻鬆繩比條魚走番出黎，佢一出黎我就唔同佢客氣喇，隻手好似裝咗摩打咁，一路係咁收，好容易就收到上水面，都有兩斤，撈箕上水，即入冰箱，卒之比我磨番條，見目的以逹就收野走人去宵夜喇！

又要磨爛蓆至中番條。

好彩都有條花鱸仔。