Ｄ大野仲未浦頭

17-6-2014  (農曆五月廿一)
噚晚釣咗幾條金古仔，兩公婆都唔夠食，今晚一於去釣多幾條，儲夠一碟，最好就梗係釣番條大野啦。
18:30落到主場，好快開好竿，一落餌以經見有金古魚訊，不過仲有Ｄ泥鯭喺度攪攪震，Ｄ餌都未到釣層，就比泥鯭化咗；係咁換餌，都唔知換咗幾多口喇，總之換到手都軟埋，卒知等到泥鯭開始收口先至中第一條金古，收上黎仲係細得可憐果隻，解鈎隨手掉番落海，等養大Ｄ先至釣番佢；食住果浸流水，一連起咗七條，不過可食用裝都係得四條，其餘都係幼齒，即捕即放，到起行流Ｄ金古又收哂口，經驗話我知，再磨落去都係冇架喇，收起枝釣金古嘅竿，即刻再開過枝竿，轉去另一個位釣沉底，一路釣到22:00，都唔知呢個係乜野海黎嘅，連一隻蟹仔化餌都冇，谷鬼氣執埋Ｄ架生，去宵夜好過喇。

今季Ｄ金古釣極都係細眉細眼。

 Ｄ大野仲未浦頭喎。