天津承德五天之旅 (第五日) 回港篇

下午由北京番香港，所以今日冇行程！

4-9-2016  (第五天)  回港
今朝瞓到自然醒，梳洗好落樓食早餐。

食飽飽仲有時間，喺酒店週圍行吓先得。

 酒店花園內種咗好多柿子。

 仲有其他水果。

 呢間酒店仲有好多渡假屋出租。

 牛氣冲天。

番房執好行理，上車往北京機場喇！

個幾兩個鍾車程就到咗北京國際机場。

呢個機場不論外表同內裏，都係同我地香港嘅赤鱲角机場係一模一樣喎！

喺候机室，咁啱見到老友Dora從意大利黎北京轉机返港，仲又係搭我地呢班机添，有咁啱得咁橋，一齊影幅相先。

上机等起飛。

內地航班經常誤點，今次都唔例外，遲咗一個鐘先至起飛。

肚餓，連大人果個餐都比我食埋。

三個多鐘就番到香港。

嗱嗱聲搭机場巴士番屋企，因為今日係選舉立法會嘅投票日。

番到屋企，放低Ｄ行理，我同大人急急腳就行去票站投票。

今年多咗好多人投票喎，九點幾仲大排長龍，好彩仲趕得切。

總結呢次旅程都唔錯，行程安排得好好，酒店一流，飯餐滿意，導遊全程粵語，司机駕駛安全，最值得一讚嘅係今次嘅領隊姚小姐，做事爽快利落，EQ，IQ一樣咁高，夠哂專業，所以今次旅程我比95分佢！

天津承德五天之旅 (第四日)

中國嘅萬里長城好多段都上過，今次呢個團最具特色就係黎天津薊縣嘅「黃崖關長城」，中午會到漁陽古街嘅「獨樂寺」參觀，順便行吓古街買吓野。

3-9-2016  (第四天)
今朝唔駛執行理，因為今晚都係喺度瞓，可以他他條條咁落餐廳食早餐；今次整番碗羊肉湯拉麵食吓先。

 大人早餐好嚓得架。

 朝早有碗熱辣辣嘅湯粉麵食吓就至醒神！

 食過早餐就上車出發去今日第一個景點，天津薊縣嘅「黃崖關長城」。

 導遊話呢度今日係墟期。

 行車途中，車窗外湖光山色，點舍得瞓呀。

 五十分鐘車程就到咗目的地。

 一落車就見到氣勢磅礴嘅萬里長城「黃崖關段」。

 到此一遊。

  轉乘環保車（自費每位50蚊）到城牆起點。

 十分鐘車程就黎到城牆起點。

 呢尊石像就係康熙大帝喇。

售賣紀念品嘅攤檔。

 唔係好高啫，慢慢行上去一Ｄ都唔辛苦。

 不到長城非好漢。

 開始入關喇～

 等我地行快兩步上去至得。

以經上咗一半喇。

 仲有咁遠，都係唔行囉，喺度影吓相，睇吓風景就算。

咁高，你又夠好行過去咯！

藍天白雲，晒得黎唔熱果度好。

又夠鐘落番山集隊。

個招牌咁靚，梗要喺度影番幅喇！

 落到黎見個景咁靚，又再影多幾幅。

 連平時唔肯影相嘅大姨都話要影番兩張喎。

 我地坐番環保車落山。

 離開「黃崖關」就上車去食午飯。

 今餐嘅名堂係「農家水庫魚風味宴」。

食飽飽就上車往下一個景點，漁陽古街嘅「獨樂寺」參觀。

 大約一小時車程就黎到漁陽古街。

 首先去參觀呢間「獨樂寺」先。

 呢間寺院有咩特別呢，入去睇吓先。

 撞鍾祈福，30蚊九響。

 老友英姐。

 佛像金光閃閃。

 千手觀世音菩薩金碧輝煌。

 原來呢間寺院喺清代有皇帝黎呢度御筆題字，唔怪得要黎參觀吓喇！

 乾隆御筆。

見有個銅鼓喺度，我又攪攪震喇。

 參觀完「獨樂寺」，行番出去漁陽古街，又係買家鄉餅食嘅時間。

 大人買咗佢至愛嘅紅豆酥餅。

 又到晚飯時間。

都係Ｄ天津家鄉餸菜。

 呢味原來係酸甜炸茄子。

 肉片豆付菜湯，Ｄ豆付好有豆味，正～

 銀絲卷賣飛佛！

 食咗晚飯就番酒店，行咗成日有Ｄ攰，沖埋涼，嘆埋杯靚奶茶，睇陣電視就瞓覺喇。

聽日係回港日，冇行程，中午由北京國際机場番香港。