天津承德五天之旅 (第三日)

身處於承德，天氣涼咗好多，一早一晚温度喺十七八度，都要穿薄外套，中午陽光普照，温度畧為高番少少，都係喺廿零卅度左右，十分舒服；今日行程會去遊覽「承德避暑山莊」、「小布達拉宮」、食過午飯就去參觀「清東陵」，跟住就由承德往薊縣。

  2-9-2016  (第三天)
一早起身冇乜胃口，煎旦油多，自備鐵觀音茶，飽飽。

唔好要求咁多， 四星酒店係咁上吓喇。

 食咗早餐，上車出發往「避暑山莊」遊覽。

 幾先進，用機械設備清理河道。

 半個鐘車程就黎到承德「避暑山莊」，承德喺清朝稱為熱河，呢座熱河行宮，係中國現存最大嘅古典皇家園林，面積係頤和園嘅兩倍，喺清代，Ｄ皇帝夏天用黎避暑同埋處理政務嘅地方，係中國著名嘅古代帝王宮苑。

  黎到「避暑山莊」門口，導遊去買飛，我地就喺門口影吓相。

 有時間，影張全體相先。

 自己友都影番張。

 到此一遊。

 買咗飛就即刻入去遊覽。

外園內嘅一對銅獅子。

 通過呢度門就入到去內園。

 當年清朝用真貴嘅黃楠木建成嘅行宮。

 宮內嘅擺切。

皇帝坐嘅龍椅。

 園內一座一座嘅建築物，眞係要成日先至行得哂。

 園內行走嘅人力交通工具。

 石鼓，每個石鼓面都刻有當時所發生嘅事情。

 房間保持住當年擺設。

 慈禧皇太后用當時嘅西洋相机影嘅相。

今日藍天白雲，天氣好到不得了。

 呢個避暑山莊實在太大喇，行極都行唔哂。

 避暑山莊連附近Ｄ寺廟，喺一九九四年以經列入世界文化遺產。

 皇家園林就梗係實有嘅湖。

荷花須然過做，荷葉依然好壯觀。

 寧靜中帶點清雅。

 原始大草原。

 用水泥築成嘅A貨蒙古包。

 鎮災寶塔。

 由「避暑山莊」一路行過黎就到咗另一景點「小布達拉宮」。

 門前一對石獅。

 清代信奉藏傳佛教，所以呢度是必要起一座喇嘛寺，仲要有幾分似西藏嘅布達拉宮添。

等我去參觀吓呢個「小布達拉宮」先。

都係喇嘛寺一間，同西藏果間正宗布達拉宮冇得揮。

參觀完「小布達拉宮」就去食午飯。

今餐Ｄ餸菜比較清淡Ｄ，冇咁咸。

白飯之外仲有饅頭。

食咗晏晝飯上車番天津嘅「薊(音計)縣」，中途會去參觀「東陵」。

經約兩小時車程就到咗薊縣嘅「東陵」，裏面包括有慈禧陵（慈禧皇太后），裕陵（乾隆）等等嘅陵墓，仲有Ｄ石牌坊、碑樓、石橋，總之有排睇喇。

隨處可見嘅合桃果樹。。

慈禧陵。

落到去墓穴Ｄ温度即刻下降，導遊話呢度長年都係保持喺十二度左右。

大理石門。

經過多年時間，裏面所有寶物都比盜墓賊人偷哂，剩得副棺材喺度。

呢度大理石門足有幾噸重。

參觀完慈禧陵孰出番外面。

大人話呢Ｄ係栗子。

呢Ｄ又係咩果實呢？

我地再行過Ｄ參觀乾隆皇嘅「裕陵」。

呢個陵墓十分潮濕，聽導遊講之前仲比水浸過添。

地面同牆壁都有水洩出黎。

牆上可見被水浸過嘅痕跡。

牆身兩側刻有佛祖同經文花圖案。

參觀完「東陵」就去食晚飯。

呢間餐廳有百幾二百款餸菜任君選擇。

揾個靚位坐低休息飲杯茶先。

開飯喇，都係Ｄ有天津特色嘅餸菜。

今餐有我最愛嘅銀絲卷。

食飽飯就番酒店，今次係入住（國際五星標準京薊聖光萬豪酒店），我地會喺度連住兩晚。

房間闊落乾剩，設備齊全。

行咗成日有Ｄ攰，沖過涼，睇陣電視，嘆埋杯靚奶茶就覺覺豬喇！

聽日嘅行程係會去位於薊縣嘅「黃崖關長城」、漁陽古街「獨樂寺」。