天津承德五天之旅 (第二日)

1-9-2016  (第二天)
今日上午會喺車上欣賞天津市嘅「五大道風情街」、逛逛「南市食品街」買Ｄ特產手信、暢遊「楊柳青古文化街」，食過午飯之後就由天津往承德。

朝早七點起身，望出窗外，原來個景十分之靚，噚晚都冇欣賞佢嘅夜景添！

 梳洗好執埋行理就落餐廳食早餐。

 朝早至啱就係湯粉麵，其他嘅野都唔駛點食喇。

 呢Ｄ家鄉野就啱哂大人食。

大人話頂呱呱！

有碗湯麵食吓唔駛食第樣。

厨師即做拉麵。

好多天津各樣小食，例如脆麻花。

食飽飽就喺酒店附近週圍行吓影相。

 夠鐘上車出發，喺車度欣賞吓天津嘅「五大道」先。

 嘩！咁多人排隊嘅，梗係有順野咧！

 黎到「南市食品街」，落車入去睇吓有Ｄ咩天津特產，賣少少番去食吓至得。

久唔久Ｄ蒸氣會發出啤啤聲嘅「熟梨糕」。

 大炸糕即係有饀酥餅，Ｄ餡有豆沙、棗泥、芝蔴等等。

 熟食。

 喺天津呢間係最出名嘅地道小食店，由其是「麻花」。

 Ｄ麻花咁巨形，點食呀！

 「耳朵眼」，係咩尼嘅呢！

 各種粉類沖出黎嘅茶湯。

 專賣香腸嘅店舖。

 鹵味腸賣廿幾蚊一斤。

 花多眼亂，睇定Ｄ先。

 天津特色食物講都講唔哂，你地慢慢睇喇！

 凉果乾貨。

 栗子羹。

 黑糖。

 雲片糕。

 原來雲片糕都有咁多味道架。

 天津犀利哥！

 糕餅「大八件」。

 Ｄ女人卒之睇啱落手掃貨喇。

 買完野上番車往「楊柳青古文化街」逛吓。

 呢度好似個市雜咁，好多小販地攤，售賣古玩文物、工藝品、小玩意等等，值得一遊，不過最緊要係（提防小手）。

逛完「楊柳青古文化街」，又到食中午飯嘅時間，今餐會有餃子食。

 Ｄ餸菜唔錯，只係咸咗少少。

 有葷餃。

 有素餃。

 Ｄ餸菜夠份量，唔駛食得就住就住。

 食飽上車往「承德」。

 行車途中欣賞吓車外嘅景色。

 經過唐山。

 四個幾鐘車程到達承德。

 到咗承德，首先去食晚飯。

 呢間飯店都有售賣土特產。

 今餐嘅名堂係（承德八大碗）。

 Ｄ餸菜擺滿枱。

 食飽就番酒店喇，今日都攰攰地，上房冲個涼，煲杯靚奶茶，睇陣電視就瞓。

聽日嘅行程有承德「避暑山莊」、「小布達拉宮」、食過午飯就往參觀「青東陵」，跟住往「薊縣。