2017年11月4日 星期六

北非摩洛哥九天之旅 (第八、九日) 回港篇

今日係呢次喺摩洛哥之旅嘅最後一日,晏晝會乘搭15:30嘅班机離開卡薩布蘭加,所以喺上午都有兩個景點比我地遊覽參觀,就係「哈辛二世清真寺」同埋「穆罕默德五世廣場」。
後記:今次摩洛哥九天之旅都算唔錯,須然食物唔多合胃口,不過總算見識過咩野先係正宗嘅摩洛哥菜;酒店OK啦,乾剩舒適;當地人民大多友善,做生意嘅就有些少厄厄騙騙嘅成份;風景文物建築都係一般,只係喺撒哈拉沙漠有驚喜;值得一讚嘅係東灜遊領隊,每次都冇另我失望,尤其是今次嘅領隊Telly林,我八年前去埃及玩都係佢做領隊,佢嘅專業、敬業、樂業、反應、禮貌、IQ、EQ都係冇得頂,令到成團人都玩得好開心,因為有佢所以有分加,今次比93分喇!
4-11-2017 (第八日)
今日係呢次喺摩洛哥之旅嘅最後一日,早上起床,梳洗好就落餐廳食早餐。
 晏晝會乘搭15:30嘅班机離開卡薩布蘭加,所以喺上午都有兩個景點比我地遊覽參觀;食過早餐,上車往「哈辛二世清真寺」參觀。




 好快就到咗「穆罕默德五世廣場」。
 藍天趁托出黎特別靚。


 同好團友影張合照先,多得佢地成日同我地影相,駛到我同大人喺今次嘅旅程,唔用自拍棒都有好多合照。
  




















好團友大隻佬。





















藍天趁托出黎特別靚。

  




















喺「穆罕默德五世廣場」中就係「哈辛二世清真寺」喇。


 等我地入去參觀吓先。 





















入「哈辛二世清真寺」要穿著過膝長褲,人人都要除鞋,女性要穿長袖衫,仲要包住頭;清真寺方面提供綠色嘅環保袋比我地裝住對鞋。






















「哈辛二世清真寺」喺1987年動工修建,1993年落成,耗資五億多美元,號稱世界第三大嘅清真寺,僅次於聖城麥加同埋麥地那,據說係世界上現代化程度最高嘅清真寺,被譽為穆斯林世界嘅一大「寶物」。


 入到去我地就慢慢細心欣賞。
















 長方形果舊野原來係喇吧箱黎架,造到好似柱墩咁樣。








 信徒朝拜前都要喺呢度洗剩手腳,連眼耳口鼻都要洗乾剩。



 由「哈辛二世清真寺」行番出去「穆罕默德五世廣場」,一路行出海邊,遠處就係大西洋喇。


 仲有D時間,再喺「穆罕默德五世廣場」四圍逛吓先。
























參觀遊覽完「哈辛二世清真寺」同埋「穆罕默德五世廣場」就上車往卡薩布蘭加機場。
 往卡薩布蘭加機場途中所見係摩洛哥嘅國旗。
往卡薩布蘭加機場。





 到咗卡薩布蘭加機場,辨好離境手續,準時登機,準時起飛。
 喺航機上食咗一個餐,話咁快就到咗土耳其嘅伊斯坦堡機場,我地會喺呢度等兩個幾鐘轉機番香港。
 話咁快就到咗土耳其嘅伊斯坦堡機場,我地會喺呢度等兩個幾鐘轉機番香港。
 行咗一陣免税店,最後喺美食廣場揾個靚位坐到夠鐘先至登機。

 5-11-2017  (第九日)  回港
準時登機,準時起飛,由土耳其嘅伊斯坦堡飛番香港;老友領隊Telly林同我地一齊坐;喺航機上食咗兩個餐,睇咗兩齣戲。



好快就到咗香港喇。

沒有留言:

張貼留言