越南--峴港、順化、會安五天之旅 (第三日)

今日全程都係喺「巴拿山風景區」；Ba Na Hills位於越南峴港西面約45公里嘅巴拿山，海拔約1500米，氣温長年比山下低攝氏6至8度，清凉又舒適，20世紀初，呢度以經係法國人嘅避暑勝地，近年當地政府將巴拿山重新發展，打造成一個休閒度假區，可以乘坐纜車登山，路程要分兩段，第一段喺2009年被列入「健力士世界紀錄」嘅全球最長同埋落差最大嘅單纜吊車，總長5042米，兩程須時約20分鍾就可以上到海拔1330米嘅2號Ba Na纜車站；喺山上可參觀殖民時期法國人喺山上興建嘅隱蔽酒窖，又可到大佛同埋靈應寺參觀，有個室內機動遊樂場比遊客玩吓，仲有一個比遊客入住嘅大型空中城堡度假村添喎。

7-12-2017 (第三日)
早上08:30起床，洗過口面就落餐廳食早餐。

跟住出發去「巴拿山風景區」。

 好快就到咗「巴拿山風景區」山腳。

 導遊去買門票，我地就週圍逛吓。

 喺度打張咭先。

由呢度城門行入去纜車站。

城門口嘅大炮。

 兩傍有十二生肖嘅雕塑，唯獨冇兔，因為兔改為貓；呢個係十二生肖嘅龍。

 呢個係十二生肖嘅猴。

 上咗第一段嘅纜車，喺2009年被列入「健力士世界紀錄」嘅全球最長同埋落差最大嘅單纜吊車，總長5042米。

 纜車開始攀升嘅頭10分鐘，腳下盡是樹林、山澗。

 喺海拔1330米嘅2號纜車站落車，轉乘另一組登山纜車上山。

 全程纜車經大約20分鐘就上到山頂，一出車站，喺大堂就有雜技表演比我地欣賞。

 可能噚晚落過雨關係，山頂十分之大霧。

 參觀殖民時期法國人喺山上興建嘅隱蔽酒窖。

 好多遊客喺度買醉。

 參觀完百年法國酒窖，行番出去逛吓，呢個就係「天上花園」-靜心園。

 沿山路而下，呢度有座幾十米高，用白色大理石建造嘅釋迦牟尼佛坐像。

大霧到連釋迦牟尼佛坐像都睇唔到喇。

 想行去靈應寺參觀，但開始有Ｄ小雨，石階濕滑，都係唔行，喺度影幅相算喇。

 又經過「天上花園」-靜心園，喺度打打咭先。

 我地坐另一種纜車落去「空中城堡區」。

 呢種纜車有Ｄ似我地香港果種喎。

 中途再轉乘番吊索纜車。

 到咗「空中城堡區」，我地先去揾餐廳食午餐，自助午餐有好多菜式，掛住食都唔記得影相添。

 食飽飽就入天主教堂望吓。

 跟住黎到室內機動遊樂場「越南夢想樂園Fantasy Park」玩吓。

 入咗迷宮，想返出黎都有Ｄ困難，見有Ｄ遊客撞到澎澎聲添喎！

好唔容易先至揾到迷宮嘅出口。

 鐵甲人模型。

 想玩旋轉木馬，工作人員話只准12歲以下小童先至玩得。

 跳樓機喎，啱我。

 攀石咁辛苦，睇吓就可以。

 跳樓機大人唔敢玩，得我同老友玩喇！

 碰碰車就開正大人果範喇！

 有架三輪車喺度，玩到攰攰地，坐低抖吓都好。

係時候夠鐘落山咧。

番市區食晚飯。

 呢碗飯夠特式喇掛。

 焗南瓜雞。

 香菜煮蜆。

 越南菜。

 紅燒硬豆付。

 肉醋。

 茄汁大蝦。

 炒尤魚。

 炒蕃薯苗。

 芥菜湯。

 八餸一湯，又食得滿足嘅一餐，食飽飽就番酒店喇。

 番到酒店沖個凉，嘆番杯奶茶，上陣網就瞓覺喇！