2017年12月8日 星期五

越南--峴港、順化、會安五天之旅 (第四、五日)回港篇

今日嘅景點有上晝去參觀「占婆石雕博物館」、「五行山風景區」,區內包括有山茶半島風景區、觀音山、靈應寺,下晝去遊覽世界文化遺產「會安古城」、會安農貿市場。

8-12-2017 (第四日)
08:30起床,梳洗好就落餐廳食早餐。






















食飽飽等齊人就上車出發去參觀「占婆石雕博物館」。





















好快就到咗「占婆石雕博物館」,呢間博物館位於越南峴港市區,係越南最大嘅占族石雕藝術博物館;占族係歴史上位於越南南面嘅占婆國嘅主體民族,峴港一箒都係屬於占婆國,占婆國滅亡後,占族人仍然居住喺呢一帶;占婆國係以信奉印度教為主,所以占族藝術帶有印度教色彩,館內藏有嘅石雕好豐富,有各種石人像雕、石獸像雕同埋各種占族建築石雕藝術。
















 參觀完「占婆石雕博物館」,上車往「五行山風景區」遊覽。
 途中經過呢個海灘,足足有十幾公里。


 到咗「五行山風景區」喇。


 「五行山風景區」離峴港市區以南約七公里,面臨南中國海嘅沙灘上,有五座高數十米嘅石灰岩石峰,係一個大理石同埋石灰石群集嘅山丘,每座山丘分別以金木水火土五行黎名,而五山中以位於東北面嘅「水山」最靚最大,係遊客遊覽五行山嘅重點,咁我地就行吓呢座「水山」喇。
 落咗車,同導遊約好集合時間就開始自由活動。
 入去靈應寺行吓先。





















寺院前嘅十八羅漢雕像。






















觀音山;呢座觀音雕像,同我地香港嘅慈山寺果座觀音雕像有得揮喎!
























拾級而上嘅寶塔。
 我佛如來。
 行過D有座卧佛添喎。



 多仔佛。

 山上有幾個石灰岩洞,有D仲穿頂添,裏面都有野睇架。
 我地繼續四圍尋幽探勝。
 面向池塘嘅釋迦牟尼佛像。


 黎到靈應寺,我地冇入去參觀,只係喺外面遊覽。
 沿住山路往上行。
 行到攰休息咗一陣。

 又到咗一個石灰岩洞喎,入去睇吓先。






















雲通洞,即係可以通往雲霄。
 洞內真係可以直通雲霄。





















呢度吸引好多西方遊客黎玩。
 通過呢度門,就有呢座山嘅最大一個石灰岩洞喇!






















洞內都係可以望到天空架。





















洞内有石雕佛像、廟宇等等。





 參觀完石洞出黎繼續逛吓。

 上到黎最高點可以俯瞰整個景區。


 夠鐘就番落山到集合地點。
 上車去食午餐,途中經過峴港傳統石雕村。



 到咗我地食午餐嘅餐廳。
 今餐都係食D越南菜式。

 食飽飽就上車往遊覽世界文化遺產「會安古城」。


 好快又到咗世界文化遺產「會安古城」。
 喺我地後面隔咗條河嘅對岸,就係世界文化遺產「會安古城」。
 隔咗條河嘅對岸,就係世界文化遺產「會安古城」。



 由呢度一直行過去有條石橋可以過去對面嘅「會安古城」。
 大人比個賣水果嘅呀姐捉住影相。
 「會安古城」景點之一嘅(日本橋)。

 過到黎古城區,「會安古城」係越南最早嘅華埠,早喺17世紀時就有好多華人喺度落地生根,幾百年黎形成一個繁榮昌盛嘅華人社區,保持住傳統中華建築風貌,1999年被宣佈物世界遺產。
 中華廟宇。


 日本橋(又名來遠橋),裏面有一對十二生肖嘅狗同埋一對猴,即係話條橋由猴年至狗年,用咗三年時間黎建成。
 超過三百年嘅「會安古老大宅」(馮慶古董屋),因為太多人,所以我地冇入去參觀。
 喺門口個招牌打咭就算喇。
 廣東肇慶會館。
 黎到關帝廟,入去參觀吓先。
 財帛星君。
 關聖帝君。
 天后聖母保合家平安大吉。
 大大幅嘅劉關張畫像。
 街道四通八達,行極都行唔哂。
 當地人生活上悠閒自在。
 行到黎會安農貿市場。

 會安農貿市場内有水果、海鮮、肉類、食品、菜蔬、熟食等等嘅攤位。



 我地要放慢腳步,細心欣賞呢個由15世紀到19世紀嘅古城至得。
 小艇穿梭橋底。




 似乎越夜越多人喎。
 逛咗幾個鐘,係時候行番出去集合地點喇。

 遊覽完世界文化遺產「會安古城」就去食晚飯。
 今餐食番中國菜;清蒸魚。
 煮蜆。
 紅燒腩肉。
 薑葱炒蟹。
 干煎大蝦。





















炒青菜。
 蕃茄湯。
 焗生蚝。





















炒鮮尤。
 八餸一湯又一頓大滿足嘅晚飯。

 番酒店冲個凉,嘆番杯靚奶茶,上陣網就覺覺豬喇。
9-12-2017  (第五日)回港
07:30起床,梳洗好,執拾埋行理就落餐廳食早餐,每朝有碗河粉食吓,加杯私伙鐵觀音就以經足夠。






















夠鐘上旅遊巴,離開我地喺度住咗四晚嘅酒店往機場。

 唔駛半個鐘就到咗越南峴港機場,辦理好登機手續,過埋移民局安檢就去登機閘口等上機。
 準時登機,準時起飛。
 個幾鐘就到香港,跟住乘機場巴士番屋企喇!
後記:開頭以為越南天氣會好熱,原來喺呢個季節去係好涼快架,早晚時間仲覺得凍添,越南中部嘅人比較友善,治安唔差,今次第四次跟中旅,冇另我地失望,食住一流,領隊專業,廣東話導遊更加冇得彈,今次我都係比90分。






1 則留言:

  1. 正想準備去越南,請問是跟邊一間旅行社,?想作参考,謝

    回覆刪除