伊朗十天之旅 (第一日)

前言：伊朗，古稱「波斯」，曾稱霸西亞兩千年，更加係歐亞草原上一個重要嘅古文明大帝國，亦都係古絲綢之路途經之地，西元前1500年間開始東征西討，戰勝當時盛極一時嘅米底亞王國同埋巴比倫王朝，建立咗阿契梅尼王朝，橫誇歐、亞、非三洲嘅波斯帝國；伊朗有咁精彩嘅歷史，咁我就决定參加(東X遊)辦嘅伊朗10天之旅去走番轉，會由德黑蘭到卡尚、伊斯法罕、蘭尼亞、梅博德、亞茲德、帕薩爾高德、波塞波里斯同埋設拉子，踏足具豐富波斯歷史遺跡嘅城市，揭開呢個文明古國嘅面紗。

30-11-2018  (第一日)
於29號晚上七時出發往机場。

辦理好出境手續喺閘口等上机，先飛往杜拜，再轉机往德黑蘭。

 航班準時起飛。

 今次都係同老友占占兩姊妹一齊去玩。

 喺机上食咗兩個餐，睇咗兩齣戲，好快就到咗杜拜。

 由杜拜轉机往德黑蘭。

 開頭以為伊朗呢個地方會好熱，原來係四季分明，依家係秋天尾，氣温係攝氏6度至18度。

 到咗伊朗首都德黑蘭，喺辦理入境手續其間，入境人員須要我地全團人再購買當地嘅旅遊保險先至可以入境，每位＄16美元，東X遊嘅領隊話費用由佢地公司出，攪咗半個鐘先至出机場。

 攪咗一輪，出咗机場，當地導遊黎接我地，乘搭以經喺度等候我地多時架旅遊大巴，先去食個中午飯。

 伊朗第一餐係到唐餐廳食中國野，到咗伊朗，要守番當地嘅伊斯蘭法律，男嘅一定要穿長褲，女嘅就要披上頭巾，唔準露出耳仔、髮尾同頸背，長袖衫長褲等等。

 哈哈！有强大嘅背境架。

 坐低飲杯野先。

 開飯喇，Ｄ餸菜比想像中好，味道都唔錯。

 仲有牛肉湯麵喎。

 呢間唐餐館靠得住。

 食飽上車，首先去遊覽「吉列斯坦皇宮」。

 呢種箱喺伊朗街上隨處可見，原來係一個捐獻箱黎嘅，可以將金錢由小孔入落去，收集好由主辦團體分派比社會有須要嘅人民駛用。

 「吉列斯坦皇宮」名字解作係（花之宮殿），現存建築主要係1848-1896年間君主所建，喺巴列維王朝時係接見外賓嘅地方。

 水喺中東沙漠地區係十分重要嘅，所以以後所見嘅重要地方，前面都會有巨大嘅水池建築。

 週圍逛吓先。

 當地導遊詳細講解呢度嘅歷史。

 繼續四圍逛吓。

 宫殿内牆壁鋪上水晶鏡片，顯得特別豪華。

 巴列維王朝時接見外賓嘅大廳。

真係幾巴閉吓喎！

 牆上嘅掛畫。

 繼續宮殿內遊覽。

 古董當然唔少得。

 觀賞程道同歐洲嘅宮殿有得揮。

 參觀完宮殿內，再出去外面走走。

 通風塔，用黎調節室內氣温。

 花園內實有嘅巨大噴水池。

 參觀完「吉列斯坦皇宮」，上車往德黑蘭市集逛吓。

 須然導遊話伊朗所有嘅地方一向治安都十分良好，打荷包呢Ｄ野從未發生過，叫我地放心，不過出黎旅遊，自己都係小心Ｄ好。

市集内林林總總，有乾果、糖果、香料、特產藥材、手工藝品、穆斯林服飾同食品等等，來來去去都係賣果Ｄ野，冇乜特別。

 逛完市集上番車去參觀「國家考古博物館」。

 好快就到咗「國家考古博物館」喇。

 先經大門安檢，至於背囊、大形手提包、大形單反相机都要放寄存處，再穿上塑膠鞋套先至可以入內參觀。

 博物館裏面又真係幾多野睇喎，我都用儍瓜机影咗多少館內嘅珍藏，唔阻大家，請慢慢細心欣賞。

參觀完「國家考古博物館」，上車先番酒店，我地會喺呢間酒店住兩晚。

 房間唔錯，放低Ｄ行理，洗過手面，休息咗陣就去食晚餐喇。

 今晚係食地道燒烤卡巴餐。

 坐定定等開餐。

 飲杯，祝大家旅途愉快。

 好彩Ｄ野都食得吓。

 食飽飽就番酒店。

 番到酒店冲個靚凉，嘆番杯靚奶茶，酒店有WiFi，不過我地用東X遊所提供嘅電話卡上陣綱，可惜伊朗係唔可以上Facebook，只係用WhatsApp上傳多少相片，同傾吓計，今日都幾攰吓，跟住好早就覺覺豬喇！