8-1-2010 (星期五) 凍凍地
一早約咗Snoppy、根本先生、ckcheng於19:30喺粉嶺火車站會合，一齊上澳頭過一晚，第二日早上先至釣魚。
我就19:00揸車入到粉嶺，泊好架車，攞埋架生，喺火車站大堂等佢地，車站人流真係好多，我就企埋一邊，大約廿分鐘度，就見根本先生佢地喇，ck喺我第一次見嘅BLOG友，特然有三位熟口熟面嘅靚女同時出現喎！原來都喺BLOG友『唯一、令金同tomoya』，佢地喺ck約埋一齊過深圳食飯嘅，真係喜出望外，又識多幾個BLOG友。
一行七人就上火車往羅湖過關，八點幾過到深圳，等ck約好嘅專車，點知呢架車嘅司机係新人，可能唔識路，所以遲咗少少，車到我地就上車往又係ck安排好嘅餐廳，喺文錦渡路嘅『X斯林酒店』，食著名嘅【全羊宴】喇，果個司机又唔識路，好彩由ck帶領，好快就到咗果間酒店喇！
『X斯林酒店』地下門口嘅招牌菜式介詔。
仲有個新韁靚女喺度烤串燒！
上到去，揾咗預諚嘅貴賓房先，坐低飲杯茶，大家傾吓計，先來涼菜，跟住就係主角【烤全羊】出場喇！
皮脆肉滑，喺我食烤全羊以來最好味嘅一次。
唔會太乾，Ｄ肉仲有好多汁添，所以好嫩滑！
服務員喺度同我地切羊。
仲有至好食嘅新韁饟(郎)餅。
最差嘅就喺尼個清湯，好似洗獲水。
蒿麥麵、酸麵皮，羊肉餃子都有水準。
大家都食得好開心。(多謝ck嘅相片)
晚飯後，三位靚女走先，就送咗佢地上的士，我地就上車向澳頭進發，入到去都成十一點幾喇，今次入住嘅係碧海旅店，須然房間唔及望海樓豪華，但都算乾剩整潔，瞓一晚，冇所謂啦，攞咗房間，各自回房休息。
噚晚夜過頭，所以冇影相，早上離開旅店喺出面補影。
9-1-2010倒塔咁早就出發，先去飲過早茶先。
朝早都幾凍吓，有魚釣那怕北風呼呼的吹！
影吓影吓天又開始光喇！
去到望海樓，我地喺第一枱客。
ck趁冇勿人，就同我地影幅相先。
08:00飲完早茶，去黃記買魚餌(紅蟲、青蟲)，聯絡艇家，尼次嘅艇家係老表，積係上次大老表個細佬，上好糧水(麵包喺香港買咗)，就出碼頭上艇喇！
出發前大家都充滿信心。
落咗艇，根本話:先向東聯黃金泡出發。
你睇ck幾淡定幾神！
我就梗開心喇，又有得向兩位釣魚大師學野喎！仲有得睇吓，傳說中嘅立后Snoppy神乎奇技嘅釣術。
立后Snoppy就話最緊要唔好比Ｄ魚認得佢，驚嚇走晒Ｄ魚喎，所以用飛虎隊頭套矇住面。
行行重行行。
等我穿好Ｄ魚竿先，呢次我嘅武器係黑鯛工房千又筏竿，再加枝小磯竿作遠投。
Snoppy:快Ｄ同我攪惦枝竿佢。
根本:好大風穿唔到，好難穿呀。
到咗8號泡，ck話 8 即係發，好意頭，就喺度釣喇！
一落餌Snoppy就整條磅頭劃上尼，真係唔比隻手指公佢都唔得。
不過我都唔弱，積刻起條磅頭黑沙，此時大戰立即展開，ck、根本、老表都各自起魚，你一條我一條，中魚歡笑之聲此起比落。
喺尼個位釣咗個幾鐘，魚訊蔬咗Ｄ，就轉去另外浮泡位，老表話呢度好魚呀，只係一時蔬口啫，但大家堅持要轉，佢唯有聽命喇。事後發覺老表講嘅野又係啱喎。
我就左釣釣。
根本就右釣釣。
再去鵝洲釣吓。
根本釣到全場最細嘅魚，攞到細魚獎！
喂.........唔好嘈住，好精口，有魚咬餌喇。
ck話:等我車你地去秘位釣吓喇，就一路車到去惠東港。原來ck都識揸船架，佢真係博學多材。
喺惠東港釣咗陣，都差唔多囉，應該回航喇！回航途中，根本攰到瞓著咗。
上咗岸，攞埋Ｄ魚穫，就去番噚晚住果間碧海旅店前面果間餐館食晚飯。
全日嘅魚穫有廿零斤，多數黃腳，有Ｄ黑沙火點，仲有幾條沙鑽添喎！
學Ben哥影幅前弓後箭型仔相先得。
嘩~~南方黑鯛!!!!!!!!!!!
放低Ｄ魚比工人同我地劏乾剩，就入番餐廳，去食豐富嘅晚飯喇！
白灼海中蝦
白灼响螺個細佬【角螺】。
煎封黑沙、沙鑽。
客家咸雞。
香煎蚝仔蛋。
腊肉炒荷豆。
最後梗係食清蒸黑沙立喇！(唔知係米Ben哥所講嘅南方黑鯛呢)
食咗晚飯，就坐ck安排嘅專車，直達深圳口岸，喺羅湖商業城釣具店買咗Ｄ野，跟住過關回港，到咗粉嶺火車站落車，同佢地三位講再見，去停車場攞車，好快就番到屋企，都係11:20咋。
今次旅程，最大得著同好開心，喺認識到幾位BLOG友『唯一、令金、tomoya』，又可以响根本先生度學到釣術同埋一睹Snoppy嘅立后風采，最後，我要多謝ck兄嘅安排，令今次旅程十分完美舒適，以後有机會，一定再齊齊玩番轉！拜拜！
