17-10-2010 (農曆九月初十)
今日食咗晚飯，三公主話去銅鑼灣，咁我就
話:「等我車你落去吖」！趁大人飯氣攻心，
入房瞓覺，我就嗱嗱聲執埋Ｄ架生，喺雪柜
冰隔囉埋盒千年蝦，就出發喇
。
喺時代廣場放低咗三公主，就即刻掉頭跴落
主場喇！21:30到咗主場，快手快腳開好兩
枝竿，都係用千年虾肉打沉底，一路都係比
Ｄ蟹仔化餌，大約過咗半個鐘度，有枝竿頭
拉咗一野，黎料喇！當佢大力搶餌果吓我就
抽竿，中咗！有Ｄ力，我好快咁就將佢升水
上埋岸，斤頭細鱗，落好生扣繼續釣！又過
咗大半個鐘都係同蟹有約會，望吓個錶，都
成十一點幾嗱，都係執野走人，去宵夜好過
囉！
今晚速戰速决，執番條。
斤頭細鱗都好吖。
影埋張昇盤相就劏得。
14-10-2010 (農曆九月初七)
今日約埋師傅偉去釣魚，佢話食埋飯先黎，
咁我就自己落去釣先。
19:00到咗主場，見仲未水漲，可以落橋底
釣吓！今日Ｄ虾唔靚，大部份都瓜直，好難
先至簡到隻生猛嘅用黎釣半水，再用隻直咗
嘅打沉底。釣咗半個鐘度，師傅偉又黎到，
佢就買咗虫，今晚話釣立喎！
又等咗幾個字，見冇勿動靜，咁就收隻虾上
黎睇吓先，噢！比蟹趙剩隻虾尾，咁我又鈎
過隻虾落去，呢次用隻啱啱脫殼嘅虾。放落
去冇幾奈，竿頭就比野輕輕拉咗幾吓，開頭
我都係諗住又係Ｄ蟹喺度攪攪震，咁我就帶
一帶佢，跟住又咀咗幾吓喎，呢次明顯係魚
喇，收番緊佢先，跟住條魚就搶餌喇，我下
意適就住上揪竿喇，中咗，好奈未喺橋底中
魚喇，我好小心咁一頂一收，幾吓手勢就將
條魚升水，原來係斤頭石蚌，一野就飛佢上
黎，落埋生扣，跟住落餌繼續。
望番過去，師傅偉龜氣好重喎！只係釣到幾
條大眼梳囉，橫掂都冇魚釣，同我影張相先
喇！跟住玩到22:00都係拾野鬆人喇。
呢輪日日都係一條。
中到一條魚我已經心滿意足喇！
條石蚌好肥美喎！
13-10-2010 (農曆九月初六)
今日師傅偉唔得閒，所以剩得我落主場單打
獨鬥。
喺街市拾幾隻虾，20:30去到就例牌開兩枝
竿，等到21:40左右沉底果枝有反應，我就
順手一揪，咁就中咗，冇勿力，細雞野，上
黎係磅頭牙點(都唔知係唔係，當佢係喇)，
都好！呢種魚我第一次中咋，真係失禮！
又過咗一陣見有羣烏頭游過，「蝦!!當我史
架，我唔釣你，你就喺度也文也武，好等我
揸定個撈箕先」，睇住佢地又游過，我一野
就撈落去，哈哈！又比我撈到一條，跟住都
冇再見佢地蹤影喇。
今晚大人來電，叫我買埋宵夜番去同佢一齊
食，咁我就拾埋Ｄ架生走人喇。
今次係大人同我影嘅。
條烏頭幾細條！好彩有條磅頭牙點壓吓場。
12-10-2010 (農曆九月初五)
噚日落咗成日雨，今日天氣好番，上個星期
五中到魚，今次乘勝追擊，即刻去釣番轉先。
19:00落到主場，又係例牌開兩枝竿，一枝
半水，一枝沉底，跟住就坐定定等運到，沉
底果枝竿就先釣咗隻石蟹，跟住仲釣到隻成
斤重嘅藍花蟹，不過上水時比佢走咗。
20:45釣半水果枝竿頭，比野重重咁拉咗一
吓，黎料啦！一手執起枝竿，慢慢收咗幾吓
，跟住條友仔就知賴野喇，想發力開尾，我
就當佢臭四，幾吓動作就收到上水面，見係
斤零嘅紅鮋，就成條魚飛佢上黎，撈箕都懶
洗，落好生扣繼續釣。
22:30見Ｄ流冇咁急，就行出Ｄ玩吓，點知
一放隻蝦落去大約十二三呎，即刻就有魚接
住，我都已經快手喇，即刻攪咗幾吓，點知
佢仲快，乎一聲就埋咗樁，我就唔敢大力拉
，只有放少少繩比佢走吓，搏佢走番出，如
事者拉吓放吓，攪咗成十幾分鐘，跟住就冇
晒動靜，心諗多數都係斷咗喇，我就轉用手
拉繩，比我拉番條繩出黎，仲連個鈎都喺度
，條魚爆咀走咗！攪到一身汗，23:15谷鬼
氣執野走人。
好彩有條魚中吓
條紅鮋過磅斤五両咋！
8-10-2010 (農曆九月初一)
大東南風 間中有雨
釣咗咁奈烏頭，今日試吓買幾隻虾，落主場
釣吓雜魚，順便睇吓Ｄ鱸魚番黎未。
18:30落到主場，開好兩枝笩仔，一枝釣半
水嘅，再開多枝釣沉底嘅。
19:40坐定定喺度等咗成個幾鐘，卒之見沉
底枝竿頭輕輕郁咗幾吓....黎料喇~~我立即
揸起枝竿，等佢發力搶餌果吓就往上一抽！
中咗......我就連攪幾野，佢又想發力開尾，
點會比佢得程呀！三兩吓手勢就將條魚升水
，本來見條細鱗斤零重，想話成條飛佢上黎
，不過頭威頭勢，都係落撈箕揾陣Ｄ，上咗
水跟住落埋生扣，就落餌繼續釣。
20:20好平靜咁又過咗成大半個鐘，我見枝
釣半水嘅竿郁都未郁過，就比深十呎八呎佢
喇，點知一放深咗，竿頭就重重咁向下彎落
去，我就梗係出力揸住之竿喇，條魚都唔使
我抽竿就已經中咗喇!!好掹力喎，唔通係鱸
，一頂一就，起碼四五轉，升水喇，啊!!原
來係兩斤幾嘅紅鮋，唔怪之得咁好力喇！又
係撈箕上水，呢次直接放入冰箱喇，費事比
Ｄ奉場客見到打劫。
今季第一戰有咁嘅收穫，都算係好嘅開始喇
，須然目標魚(花鱸)重未釣到，不過見好就
收喇，嗱嗱聲拾埋Ｄ架生上車，清理好釣場
，去美美宵夜囉！拜拜！
番到屋企又係玩自拍。條細鳞都接近兩斤。
呢條紅鮋就重Ｄ，兩斤幾喇。
好奈都未捧過魚影相囉！
昇盆大合照。
跟住睇埋之前釣嘅烏頭吖！
28-9-2010
去完旅行番黎第二日釣嘅
30-9-2010
烏頭得一條。
6-10-2010
果晚大東風，話哂喺係主場，好彩中番條大
老烏比高橋雪也睇啫，如果唔係好冇面加嘛。
高橋都攞黎影番幅相，佢話未見過咁大條烏
頭喎！我話再大Ｄ都有呀，呢條都唔夠四斤
