静静雞鼠咗去釣魚

17-10-2010  (農曆九月初十)

今日食咗晚飯，三公主話去銅鑼灣，咁我就

話:「等我車你落去吖」！趁大人飯氣攻心，

入房瞓覺，我就嗱嗱聲執埋Ｄ架生，喺雪柜

冰隔囉埋盒千年蝦，就出發喇。

喺時代廣場放低咗三公主，就即刻掉頭跴落

主場喇！21:30到咗主場，快手快腳開好兩

枝竿，都係用千年虾肉打沉底，一路都係比

Ｄ蟹仔化餌，大約過咗半個鐘度，有枝竿頭

拉咗一野，黎料喇！當佢大力搶餌果吓我就

抽竿，中咗！有Ｄ力，我好快咁就將佢升水

上埋岸，斤頭細鱗，落好生扣繼續釣！又過

咗大半個鐘都係同蟹有約會，望吓個錶，都

成十一點幾嗱，都係執野走人，去宵夜好過

囉！

今晚速戰速决，執番條。

斤頭細鱗都好吖。

影埋張昇盤相就劏得。