都係金古靠得住

9-7-2012  (農曆五月廿一)
今日見冇乜野做，喺雪柜執兩塊麵包，擸埋架生就直跴主場喇！
落到去見Ｄ水準備想轉流咁喎，我就嗱嗱聲開好竿，落餌等運到，一路都冇魚咬，過咗半個鐘度，竿頭開始郁喇；一食埋黎以經知係金古，我梗係金睛火眼望到實，當佢食餌動作較耐果吓即刻抽竿，中咗!!上黎係半斤十両金古，即時將條魚入生籠，快手落餌，一落就有魚接，又中!!收上黎呢條就大少少，都有磅頭，放埋落生籠驚執輸咁喳喳林落餌，點知呢次要等成五分鐘先至有反應，一食就中！都係半斤十両嘅貨色；跟住Ｄ流水就開始行大咗，而魚亦都收哂口，望吓個錶都係好早喎，好!!一於換竿轉釣烏頭，不過釣到22:00都未咬過一口，我睇釣烏頭都未係時候，過多十日八日喇，可能會多Ｄ！跟住收竿執野走人喇。

一轉流就連起三條金古 ，有魚真係唔使多時間嘅。

半個鐘嘅收穫都唔錯吖。

7-7-2012  (農曆五月十九)

前晚釣嘅都係三條，不過有金古同大眼倉 。