齋釣鱸仔

5-1-2012  (農曆十二月十二)
今晚霖出門口去釣魚果時，望出窗外見落緊雨，想話釣少晚，呢個時候師傅偉來電，問我今晚咁凍，夠唔夠胆落去釣魚，我梗係唔衰得，一口答應喇，即刻標出門口，仲唔使去買蝦添，因為師傅偉買咗，跟住落停車場攞車，直飛主場。
落到去師傅偉以經起咗兩條鱸，我見Ｄ鱸開口就嗱嗱聲開竿落餌；呢幾次都係剩釣鱸，所以只係開一枝竿。
落餌唔夠十分鐘就中第一條，再落餌又中，不過呢條有Ｄ麻煩，條魚標咗埋Ｄ棚架度勾住，好彩經一輪收放，佢又游番出黎，收上黎、落生籠、再落餌，呢次就冇魚咬喇，師傅偉聽日要做，所以走先，我見Ｄ流水咁正，就留低再釣多陣，佢走咗冇奈，我就收隻蝦上黎，睇使唔使換過隻落去，點知收到離水面唔夠三呎時，見有一條銀影，狠狠咁一啖就趙落隻蝦度，咁佢嘅下場梗係比我釣埋上黎喇，跟住再落餌，不過Ｄ魚食得好精，一連偷咗我兩隻蝦食，但係卒知都比我釣到佢上黎，原來係條半斤都唔夠嘅鱸B。
望吓個錶，又係時候結速今晚嘅釣程喇，執埋Ｄ架生，放好Ｄ魚穫入冰箱，返屋企食宵夜喇(今晚嘅宵夜係餐肉旦麵、奶茶)！

晚晚都有幾條中吓。

同場加影 
4-1-2012  (農曆十二月十一)
鱸仔幾條都唔錯。