對鱸魚以經麻木咗

2-1-2012  (農曆十二月初九)
今晚又執拾零隻虾落主場釣鱸，初時釣吓沉底，睇有冇符碌！半水枝鱸魚竿就梗有落喇；由快流一路釣到慢流都冇一咀似樣Ｄ嘅魚訊，咁我就收番起枝釣沉底嘅竿，剩係釣鱸，仲要去番噚晚個得食位果度。
過到去開好檔灘，跟手就落餌，唔夠兩分鐘，即中第一條，果時仲係行緊落流，點知再落餌要等咗成個鐘先至再中第二條，跟住再中埋第三同第四條，都係用咗十幾分鐘，落最後一口餌，等咗成五分鐘都冇魚咬，諗住收番上黎準備走人，點知隻蝦收到上水面，特然有條黑影由水底撲上黎，一口就擔落隻蝦度，我自然嘅反應就係抽竿喇，又中!!攪都唔使攪，一野就掟埋上岸，跟住真係執野走人去宵夜喇！

今季Ｄ小鱸都算大造。

多過噚晚一條。