釣極都係一千零一條

10-1-2012  (農曆十二月十七)
今晚九點幾先轉流，所以20:00先出發釣魚；落到主場開好竿，今次又係兩枝釣鱸，開多枝釣番沉底睇有冇符碌搏吓。
擺好個陣，攪惦晒就坐定定等運到，Ｄ流開始轉果陣，其中一枝釣鱸嘅竿郁咗幾吓，我就梗係攞番起枝竿喇，竿頭一野沉落去，我就一抽，中咗！跟手想話快速攪幾吓，點知個鉸好緊，攪極都好難攪，條魚就搏命鐘，想話轉用手收繩，一不留神，唔知點樣，枝頭灯比我整甩咗，啪一聲跌落地，跟住仲碌埋落海添，唔理得咁多喇，收咗條魚上黎先，收到上水面見係斤零重嘅鱸仔，一手就掟佢上岸，解勾落生籠，跟住去睇吓個鉸做乜鬼野攪唔郁，檢查後睇怕都要等番屋企至整喇！
好彩我重有〝事啤〞頭燈，唔使黑嘛嘛；跟住等咗好奈，沉底枝竿一Ｄ都未郁過，仲有釣鱸果枝只係有一次蝦跳嘅感覺。
又到23:00！Ｄ流仲係好急吓，都係唔好磨爛蓆，執野走人去宵夜好過喇！

呢條正衰鱸，攪到我心愛枝頭燈都跌埋落海，聽日食咗你落肚。