極地先至可以破龜

16-3-2010  (農曆二月初一)  生流  大東風微凍今日本來唔打算釣魚，因為聽日出南丫釣晚水，但係釣魚蟲〝共共〞吓！都係去釣番幾粒鐘先。

買好餌，先打個電話比師傅偉，佢話喺度做緊占，我問佢釣唔釣魚，佢話你去我就去囉，咁我就叫佢唔使買餌，直接尼就得喇。

落到釣場都成19:20，仲係起緊流，開好竿，擺喺Ｄ流冇咁急嘅位，又喺度等運到，20:10師傅偉先至尼到，佢梗係將Ｄ竿，擺番喺上次中魚果個釣位度喇。

又過咗十幾分鐘，我見冇勿動靜，就將枝竿，轉去好奈冇人落竿嘅位度〝爬額水〞(兩年前試過喺尼個釣點，比條魚拉咗枝竿落海)，所以今次見冇勿好位，就試吓尼度喇。

搬好Ｄ野，就落餌喇，尼頭放低枝竿，果頭就見竿頭點咗一吓，嗯！唔係咁快尼料係嘛，我都未來得反應，個攪以經響喇，我連除攞起竿，條魚已經搶餌，我立即將竿住上一揮，連攪七八吓，條友仔已被我制服，好順咁一路上水面，因為第一條魚，所以冇同佢玩；哈哈！今次師傅偉做魚僮喇，撈箕上水，落埋生扣，鈎隻蝦，又繼續釣過。

我地磨到22:10，見轉流都冇魚訊，風又大咗，都係執野走人，去宵夜好過囉！

條花鱸魚唔係好大，兩斤零三斤倒喇，師傅偉話，尼個〝晒士〞最好食喎！

擺個Q版甫士比唯一睇吓，係米咁呀!!

好....準備劏魚。